Լրահոս

Վրաստանի պետանվտանգության ծառայության տվյալներով՝ ապօրինի կալանավորման մասին տեղեկությունը ստանալուց հետո նրանք ակտիվացրել են ԵՄ դիտորդական առաքելության միջոցով գործող «Թեժ գիծը», միջազգային գործընկերներին և Ժնևում միջազգային քննարկումների համանախագահներին անմիջապես տեղեկացվել է միջադեպի մասին:

Հոկտեմբերի 19-ին օկուպացիոն ուժերի ներկայացուցիչները Գորիի մունիցիպալիտետի Բերշուեթի գյուղի շրջակայքում ձերբակալել են Վրաստանի քաղաքացու։ 55-ամյա Թամազ Գլուրջիձեն ազատ է արձակվել հաջորդ օրը։

Ցխինվալիի բանտում անօրինական կալանքի տակ են մնում Վրաստանի չորս քաղաքացիներ՝ Գելա Իոբաշվիլին, Կախաբեր Նաթաձեն, Լաշա Խեթերելին և նախկին զինծառայող Մամուկա Չխիկվաձեն, ով ձերբակալվել էր 2021 թվականի դեկտեմբերին և դատապարտվել 3,8 տարվա ազատազրկման։

Անցյալ տարի Ռուսաստանի Դաշնության օկուպացիոն ուժերը Աբխազիայի ուղղությամբ ապօրինաբար ձերբակալել են Վրաստանի 11 քաղաքացու, Ցխինվալիում` 70-ին:

Իրակլի Բեբուան անօրինական կալանքի տակ է օկուպացված Աբխազիայում, ով ձերբակալվել էր Գալիի շրջանում 2020 թվականի սեպտեմբերի 30-ին՝ Աբխազիայի դրոշն այրելու համար։ Փաստը պատկերող տեսանյութում Բեբուան ասում է, որ միտումնավոր այրել է դրոշը, քանի որ իրեն դուր չի գալիս սեպտեմբերի 27-ը՝ Սոխումիի անկման օրը, Աբխազիայում որպես տոն նշել, և «ուզում է, որ վրացիներն ու աբխազները եղբայր լինեն»: Իրակլի Բեբուային ձերբակալել են դրոշն այրելուց մի քանի րոպե անց։ Նույն օրը նրա տանը խուզարկության ժամանակ դե ֆակտո ոստիկանությունը նռնակ է հայտնաբերել, որն իբր Բեբուան պահել է իր բարձի տակ։ Աբխազիայի դե ֆակտո դատարանը Բեբուային դատապարտել է 9 տարվա ազատազրկման և պարտադրել 10 հազար ռուբլի տուգանք վճարել։ Բեբուայի տեղացի փաստաբան Ապոլոն Գելեդիայի խոսքով, ընդհանուր ռեժիմի գաղութում պատիժը կրելու մեկ օրը հաշվվում է երկու օր, ուստի Բեբուան բանտում կլինի 4 տարի և վեց ամիս։