Yeni xəbərlər

Gürcüstanın Dövlət Təhlükəsizliyi Xidmətindən verilən məlumata görə, qanunsuz saxlanma barədə məlumat alan kimi onlar Aİ-nin monitorinq missiyası vasitəsilə fəaliyyət göstərən “qaynar xətt”i işə salıblar, beynəlxalq tərəfdaşlar və Cenevrədəki beynəlxalq müzakirələrin həmsədrləri bu barədə dərhal məlumatlandırılıblar.

Oktyabrın 19-da işğalçı qüvvələrin nümayəndələri Qori bələdiyyəsinin Berşueti kəndi yaxınlığında Gürcüstan vətəndaşını həbs ediblər. 55 yaşlı Tamaz Qlurjidze ertəsi gün sərbəst buraxılıb.

Tsxinvali həbsxanasında dörd Gürcüstan vətəndaşı qanunsuz həbsdə qalır: Gela İobaşvili, Kaxaber Natadze, Laşa Xetereli və 2021-ci ilin dekabrında həbs edilmiş və 3,8 il müddətinə azadlıqdan məhrum edilmiş keçmiş hərbi qulluqçu Mamuka Çxikvadze.

Ötən il Rusiya Federasiyasının işğalçı qüvvələri Abxaziya istiqamətində 11, Tsxinvali istiqamətində isə 70 Gürcüstan vətəndaşını qanunsuz olaraq saxlayıblar.

İrakli Bebua işğal olunmuş Abxaziyada qanunsuz həbsdədir. 2020-ci il sentyabrın 30-da Qali rayonunda Abxaziya bayrağını yandırdığı üçün həbs olunmuşdu. Faktı əks etdirən videoda Bebua bayrağın qəsdən yandırdığını deyir, çünki 27 sentyabrı - Abxaziyada Suxuminin süqut gününü şənliklə qeyd etməyi xoşuna gəlmir və “gürcülərlə abxazların qardaş olmasını istəyir”. İrakli Bebua bayrağı yandırdıqdan bir neçə dəqiqə sonra həbs edilib. Həmin gün onun evində axtarış zamanı de-fakto milisya tərəfindən əl qumbarası aşkar edilib. Güya Bebua onu öz yastığının altında saxlayırdı. Abxaziyanın de-fakto məhkəməsi Bebuanı 9 il həbsə və 10 min rubl cəriməyə məhkum edib. İ.Bebuanın yerli vəkili Apollon Gelediyanın sözlərinə görə, ümumi rejimli koloniyada cəza çəkərkən bir gün iki gün kimi sayılır. Buna görə də Bebua 4 il 6 ay həbsdə olacaq.