Օկուպացված Աբխազիայում էլեկտրամատակարարման ժամանակացույց է սահմանվել

«Փետրվարի 3-ից էլեկտրաէներգիայի մատակարարման սահմանափակումներ կգործեն հանրապետության բոլոր մարզերում։ Լույսը ցերեկը և գիշերը կանջատվի երկու ժամով»,- հայտարարում են ընկերությունից, ինչպես նաև հրապարակում են փետրվարի 3-ից 5-ը ենթակայանների անջատումների ժամանակացույցը։

Փետրվարի 2-ին էներգետիկայի ոլորտում առկա խնդիրները քննարկվել է այսպես կոչված նախագահի աշխատակազմում։ «Չեռնոմորէներգո»-ի գլխավոր տնօրեն Թեմուր Ջինջոլիան ասել է, որ իրավիճակը ծայրահեղ ծանր է։ Նրա տեղեկություններով՝ Ռուսաստանի Դաշնությունից էլեկտրաէներգիայի անվճար մատակարարումը կավարտվի փետրվարի 5-ին։

Էներգետիկայի և տրանսպորտի այսպես կոչված նախարար Ջանսուղ Նանբան նշել է, որ էլեկտրաէներգիայի պարբերական անջատումը հարկադիր միջոց է, որն ունի բազմաթիվ պատճառներ։ Դրանց թվում են սպառված էլեկտրաէներգիայի հարկերի հավաքագրման խնդիրը, «Էնգուրի» էլեկտրակայանի Ջվարիի ջրամբարի ջրի խիստ ցածր մակարդակը, Ռոստովի ատոմակայանի 4-րդ էներգաբլոկի պլանային վերանորոգումը և գեներատորի վթարային անջատումը Ռուսաստանի հարավում, որտեղից Աբխազիան լրացուցիչ էլեկտրաէներգիա է ստանում։

Հանդիպմանը քննարկվել են նաև կրիպտոարժույթների ապօրինի մայնինգի դեմ պայքարի արդյունքները։ Դե ֆակտո կառավարության տվյալներով՝ 2023 թվականին Աբխազիայում առգրավվել է ընդհանուր առմամբ 3284 մայնինգի սարք, որոնցից ամենաշատը Օչամչիրեի (892) և Գագրայի (870) շրջաններում, ինչպես նաև Սոխումիում (505):