Ռուսաստանի կողմից օկուպացված Աբխազիայում՝ Գուդաութայի շրջանի պատմական Լիխնի գյուղում սկսել են բուժել վնասված կովկասյան լորենին։ Չինաստանից բերված հատուկ դեղամիջոցը ծառի մեջ ներարկում են 30 կաթիլայինով։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ծառի բուժման գործընթացի մասին խոսել է այսպես կոչված Էկոլոգիայի պետական կոմիտեի նախագահ Սավելի Ճիթանավան.
«Երբ լորենու հետ կապված այս տհաճ իրավիճակը եղավ, այն փրկելու եկան չինացիները, որոնք ժամանակավորապես ապրում են Աբխազիայում և բանջարեղեն են աճեցնում ջերմոցներում։ Մեզ վստահեցրին, որ Չինաստանում ծառերի նմանատիպ վնասվածքները բուժվում են հատուկ դեղամիջոցով։ Պարզվեց, որ կա մի ամբողջ ինստիտուտ, որը ստեղծում է այս դեղամիջոցը։ Չինացիները պատվիրեցին ու օգնեցին մեզ դեղամիջոցը հասցնել Մոսկվա, այնտեղից էլ մեր ուղիներով հասցրինք Աբխազիա»։
30 հատ մեկ լիտրանոց կաթիլայինները Աբխազիա են հասել մի քանի օր առաջ։ Այս քանակը հաշվարկված է մեկ շաբաթվա համար։ Ճիթանավայի խոսքով՝ ևս մեկ անգամ կկրկնեն ընթացակարգը, իսկ հետո կսպասեն դրական արդյունքի։
Ավելի քան 150 տարեկան լորերնիին ապրիլի 5-ին վնասել են բենզո սղոցով։ Ծառի շուրջ կտրվածքի խորությունը 15-ից 20 սանտիմետր է: Հաջորդ օրը դեպքի վայր է ժամանել Աբխազիայի դե ֆակտո նախագահ Ասլան Բժանիան և ասել, որ «այս սարսափելի փաստը հանցագործություն է, որը պետք է բացահայտվի»։ Ապրիլի 11-ին ապօրինի ծառահատման մեղադրանքով ձերբակալվել են եղբայրներ՝ Իրակլի և Դաուր Բաղաթելիները։
Լորենիին համարում են Աբխազիայի պատմական, մշակութային և բնական ժառանգության «ոչ պաշտոնական խորհրդանիշ»:
