Ձերբակալված ռազմական բլոգեր Ուչա Աբաշիձեի մայրը՝ Լիա Թոդուան, հայտարարել է, որ տնից առգրավված զենքը, որի տեսանյութը հրապարակել է ՆԳՆ-ը, հիմնականում խաղալիքներ են՝ խաղալիք ատրճանակներ և փամփուշտներ։ Նրա խոսքով՝ տեսանյութում ընդամենը երկու իրական ատրճանակ կա, և երկուսն էլ պաշտոնապես գրանցված են որդու անունով։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Տանը հայտնաբերված զենքերը, որոնք մեզ ցույց է տալիս ՆԳՆ-ն, հիմնականում խաղալիք ատրճանակներ են և պլաստմասից խաղալիք փամփուշտներ, քանի որ Ուչան ամբողջ կյանքում սթրեյքբոլ է խաղացել»,- գրել է Ուչա Աբաշիձեի մայրը։
Սթրեյքբոլը սպորտ կամ հոբբի է, որտեղ խաղացողները օգտագործում են հատուկ զենքեր: Խաղերը կազմակերպվում են տարբեր սցենարներով, հիմնականում տարածված են հետևյալ խաղերը՝ երկաստղանի ճակատամարտ, շենք գրոհել, պատմական ճակատամարտ, դարանակալում, անակնկալ հարձակում և այլն։
Ներքին գործերի նախարարության հրապարակած տեսանյութին արձագանքում է նաև ճգնաժամային կապի մասնագետ Դավիթ Ձիձիշվիլին։ ՆԳՆ-ի տեսանյութում երևում են Ուչա Աբաշիձեի տնից առգրավված խաղալիքներն ու դրանց մասերը, որոնք ոստիկանները փռել են հատակին՝ տպավորություն ստեղծելով, որ նրա բնակարանից մեծ քանակությամբ զինամթերք է առգրավվել։
«Սա էյրսոֆթի ատրճանակ է։ Կադրերում երևում է որսորդական հրացան, որը մարդն օրինականորեն է ունեցել, և էյրսոֆթի ինքնաձիգներ։ Սրանով ուզում են խաբել հասարակությանը։ Այդ ինքնաձիգը պլաստիկե փամփուշտներ է կրակում։ Ուչան այս խաղի ասոցիացիայի ղեկավարն է և Վրաստանում այս զվարճանքի հիմնադիրներից մեկը։ Ես էլ եմ խաղացել էյրսոֆթ։ Տանը խաղալիք ավտոմատ ունեի, հիմա արդեն չունեմ, թե չէ կարող էին ինձ էլ բռնել։
Ինքնաձիգները առգրավվել են մեկից, ում բոլորը գիտեն, որ խաղում է այս խաղը, և այն ներկայացվում է որպես անօրինական զենք: Սուտ են ասում»,- ասում է Դավիթ Ձիձիշվիլին։
Ռազմական բլոգեր Ուչա Աբաշիձեին, ով այսպես կոչված «օտարերկրյա գործակալների» մասին ռուսական օրենքի հակառակորդներից է, ոստիկանությունը ձերբակալել է մայիսի 9-ին՝ բնակարանը մի քանի ժամ խուզարկելուց հետո։ Ներքին գործերի նախարարության ներկայացուցիչները խուզարկել են Աբաշիձեի տունը և այլ քննչական գործողություններ են կատարել այնպես, որ փաստաբաններին թույլ չեն տվել մուտք գործել բնակարան։
ՆԳՆ-ն հայտարարություն է տարածել, որում ասվում է, որ Ուչա Աբաշիձեի տանը քննչական գործողություններ են իրականացվել տարբեր պետական գերատեսչությունների՝ ներքին գործերի և արդարադատության նախարարությունների, ինչպես նաև Վրաստանի խորհրդարանի կայքերի վրա կատարված կիբերհարձակման հետաքննության շրջանակներում, որտեղից իրավապահները խուզարկության արդյունքում առգրավել են ապօրինի հրազեն և զինամթերք։ Ուչա Աբաշիձեն իրավապահների կողմից ձերբակալվել է քրեական օրենսգրքի 236-րդ հոդվածով նախատեսված հանցագործության համար, որը ենթադրում է հրազենի և ռազմամթերքի ապօրինի գնում և պահում։
