Ուկրաինայում շարունակվող պատերազմում զոհվել է ևս մեկ երիտասարդ՝ օկուպացված Ցխինվալիի շրջանից։ Լրատվամիջոցների տեղեկություններով՝ հաստատվել են 21-ամյա կամավոր Տամերլան Օստաևի մահվան մասին տեղեկությունները։
Լրահոս
Ընթերցողի ընտրանի
- 1 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 2 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 5 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
«Սեպտեմբերի 26-ին խումբը, որի կազմում եղել է Օստաևը, հայտնվել է հակառակորդի դարանակալման մեջ։ Չնայած դրան, նրա հարազատները մինչև վերջ հույս ունեին, որ նա ողջ է կամ գերության մեջ»,- գրում է լրագրող Արզու Մամեդովան։
Ինչպես հաղորդում է «TV Krilya» հեռուստաընկերությունը, ըստ առկա տվյալների, Ուկրաինայում զոհվել է այսպես կոչված Հարավային Օսիայի Հանրապետության 18 և Հյուսիսային Օսիայի 152 բնակիչ։ «Էխո Կավկազա» հրատարակությունը գրում է, որ դե ֆակտո հանրապետությունից Ուկրաինա կռվելու մեկնած առնվազն 20 մարդ է զոհվել։
Ռուսաստանը Ուկրաինայում լայնամասշտաբ պատերազմ սկսեց 2022 թվականի փետրվարի 24-ին։ Նախագահ Վլադիմիր Պուտինն ընդդեմ Ուկրաինայի, այսպես կոչված հատուկ ռազմական գործողության մեկնարկի պատճառներից մեկը նշեց ՆԱՏՕ-ին անդամակցելու Ուկրաինայի ցանկությունը, իսկ «օպերացիայի» նպատակը՝ Ուկրաինայի ապառազմականացումն ու ապաազգայնացումը։ Օգոստոսի վերջին Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը հայտարարել է, որ ՆԱՏՕ-ին անդամակցելուց հրաժարվելն այլևս բավարար պայման չէ Ուկրաինայում պատերազմը դադարեցնելու համար։ Սեպտեմբերի 23-27-ը Ռուսաստանի կառավարությունը կեղծ հանրաքվեներ անցկացրեց Ուկրաինայի ժամանակավոր օկուպացված Դոնեցկի, Լուգանսկի, Խերսոնի և Զապորոժիեի շրջաններում, իսկ սեպտեմբերի 30-ին այդ շրջանները հայտարարվեցին որպես Ռուսաստանի տարածքային միավորներ։ Նոյեմբերի 11-ին Ուկրաինան վերականգնեց վերահսկողությունը Խերսոնի նկատմամբ։
Ուկրաինայի զինված ուժերի գլխավոր շտաբի տվյալներով՝ մինչ օրս Ռուսաստանը կորցրել է ավելի քան 112 հազար զինվոր։ Ռուսաստանը սեփական կորուստների մասին տեղեկություն չի հրապարակում: Ուկրաինական կողմի տվյալներով՝ պատերազմում զոհվել է ավելի քան 16 500 խաղաղ բնակիչ։ Ամենաշատ զոհերը գրանցվել են Դոնեցկի մարզում, որտեղ, Ուկրաինայի տվյալներով, սպանվել է 4 746 խաղաղ բնակիչ։
