Խորհրդարանի ընդդիմադիր պատգամավորներ Անա Նացվլիշվիլին և Թամար Կորձաիան կոչ են անում Վրաստանի Սահմանադրական դատարանին ժամանակին որոշում կայացնել և դադարեցնել այսպես կոչված «օտարերկրյա գործակալների մասին» ռուսական օրենքի կիրարկումը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Մեկ շաբաթ է անցել, երբ ՍԴ-ն լսեց ամենաբարդ փաստարկները՝ կապված ռուսական օրենքի հետ, բայց նա չի շտապում որոշում կայացնել։ Ես ուզում եմ դատարանին շատ հստակ ասել. ամեն օր, ամեն ժամ, երբ դուք չեք դադարեցնում ռուսական օրենքի գործողությունն այս երկրում, դադարեցվում է Վրաստանի եվրաինտեգրումը»,- ասել է Անա Նացվիլիշվիլին խորհրդարանում կայացած ճեպազրույցում։
Պատգամավորի խոսքով՝ Սահմանադրական դատարանը, ինչպես ցանկացած սահմանադրական մարմին, պարտավոր է ձեռնարկել բոլոր միջոցները Վրաստանի եվրաինտեգրումն ապահովելու համար։
«Դուք պարտավոր եք ժամանակին որոշում կայացնել ռուսական օրենքի հետ կապված։ Մեր երկիրն ամեն օր շատ թանկ գին է վճարում, երբ շարունակում է ապրել ոչ թե Վրաստանի սահմանադրությամբ, այլ ռուսական օրենսդրությամբ։ Ուզում եմ ևս մեկ անգամ հիշեցնել ձեզ այս երկրի տասնյակ հազարավոր քաղաքացիների, այս երկրի եվրոպական ապագայի հանդեպ ձեր անձնական պատասխանատվության մասին, և ևս մեկ անգամ ասել.
Ուշացած արդարադատությունը կլինի մեզնից խլված արդարադատություն։ Ուստի կիրարկեք Սահմանադրության 78-րդ հոդվածը և քայլեր ձեռնարկեք Վրաստանի եվրոպական ապագան փրկելու համար»,- ասել է Անա Նացվլիշվիլին։
Թամար Կորձաիայի խոսքով՝ Սահմանադրական դատարանը պետք է անհապաղ որոշում կայացնի։ «Վայրկանաչափը միացված է։ Այն միացված է երկու ուղղություններով՝ մեր պետության եվրաինտեգրման դրական լուծման, նաև ազատ տարածքների ոչնչացման մասով։ Մենք բազմիցս փաստարկներ ենք ներկայացրել դատարան։ Ազատ ԶԼՄ-ների ներկայացուցիչները, ովքեր այնտեղ են եղել և մասնակցել՝ Գելա Մթիվլիշվիլին և Նինո Զուրիաշվիլին, քաղաքացիական հասարակության ներկայացուցիչ Գիորգի Դավիթուրին, այս մարդիկ, ինչպես Ռուսաստանում չկան ազատ մամուլի ներկայացուցիչներ, այնպես էլ Վրաստանում չեն լինի»,- ասել է Կորձաիան։
Նախագահ Սալոմե Զուրաբիշվիլին, 122 հասարակական և լրատվական կազմակերպություններ, 38 ընդդիմադիր պատգամավորներ, «Մթիս Ամբեբի» և «Ստուդիա Մոնիտոր» լրատվամիջոցները դիմել են Սահմանադրական դատարան՝ ընդդեմ «Վրացական երազանքի» խորհրդարանական մեծամասնության կողմից ընդունված ռուսական օրենքի։ Օգոստոսի 29-31-ը տեղի է ունեցել մեկ վարույթում համակցված հայցադիմումների վերաբերյալ կարգավորող նիստ։ Սահմանադրական դատարանի պլենումը պետք է որոշի՝ հայցերն ընդունելի (ամբողջությամբ կամ մասնակի) ճանաչելու և օրենքի գործողությունը դադարեցնելու մասին որոշում կայացնելու հարցը։
