Վրաստանի պետական անվտանգության ծառայությունը «Իսլամական պետություն» ահաբեկչական կազմակերպության հետ կապ ունեցող օտարերկրյա քաղաքացու է ձերբակալել։ ՊԱԾ-ի հակաահաբեկչական կենտրոնի ղեկավար Բաչա Մգելաձեն այսօր կայացած ճեպազրույցում հերքել է թուրքական ԶԼՄ-ներում տարածված տեղեկությունը, թե ահաբեկիչները Վրաստանում վարժանքներ էին անցնում։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
«Մենք միանշանակ բացառում ենք արտասահմանյան ԶԼՄ-ներում տարածված տեղեկությունը Վրաստանի տարածքում ահաբեկչական նպատակներով ռազմաուսումնական և ուսումնական բազաների առկայության մասին։ Այստեղ չկան ուսումնամարզական ճամբարներ, տեղի չի ունենում ահաբեկիչների ու մարտիկների պատրաստություն։
Ասեմ ավելին, ՊԱԾ-ում տևական ժամանակ հետաքննություն է ընթանում: Այս հետաքննության շրջանակներում մենք ձեռք բերեցինք լայնածավալ և տագնապալի տեղեկություններ, որոնցով անհապաղ կիսվեցինք մեր գործընկերների հետ։ Բացի այդ, մենք տեղեկությունը տրամադրել ենք թուրքական կողմին և, համապատասխանաբար, մեր տրամադրած տեղեկության հիման վրա Թուրքիայի հակաահաբեկչական ծառայությունը և տարբեր ստորաբաժանումներ երեկ՝ մայիսի 5-ին, լայնածավալ հակաահաբեկչական գործողություն են իրականացրել Թուրքիայի երկու տեղամասերում»,- ասել է Բաչա Մգելաձեն։
Մայիսի 5-ին թուրքական մի շարք լրատվամիջոցներ հաղորդել են, որ Թուրքիայի ոստիկանության և Ազգային հետախուզական կազմակերպության կողմից միաժամանակ 23 նահանգներում իրականացված հակաահաբեկչական գործողության արդյունքում 74 կասկածյալ է ձերբակալվել։ Լրատվամիջոցների հետաքննության արդյունքում ձեռք բերված տեղեկության հիման վրա «Իսլամական պետությունը» նոր կառույց է ստեղծել Թուրքիայում, որն ակտիվ է նաև Վրաստանում և Ադրբեջանում։ «Անադոլու» պետական լրատվական գործակալության փոխանցմամբ՝ քարոզչական գործունեության արդյունքում ստեղծված «Ջիհադ խմբավորման» անդամները ռազմական պատրաստություն են անցել Վրաստանում, որից հետո ուղարկվել են հակամարտության գոտիներ, աշխատել են Սիրիայում և Վրաստանում։ Հետաքննության շրջանակներում տրվել է ընդհանուր առմամբ 92 ձերբակալման օրդեր։ Կասկածյալները հիմնականում տեղակայված են եղել Դիարբեքիրում։
Վրաստանի պետական անվտանգության ծառայության տվյալներով՝ իրենց և ազգային հակաահաբեկչական համակարգում ներգրավված իրավասու գերատեսչությունների մասնակցությամբ իրականացված գործողության արդյունքում բացահայտվել է «Իսլամական պետության» գործունեություն տարբեր օտար երկրների տարածքում: Ձեռք է բերվել էլեկտրոնային տեղեկություն կրող սարք, որից հանվել են ԱՄՆ-ի և Եվրոպայի մայրաքաղաքների ռազմավարական օբյեկտների արբանյակային լուսանկարներ։ ՊԱԾ-ը հայտարարում է, որ բացահայտվել են ահաբեկչական կազմակերպության հետ կապի մեջ գտնվող անձինք, կապի ձևերը, մեթոդները, հետաքրքրության ոլորտները և հարձակման հնարավոր օբյեկտները Վրաստանից դուրս։
Անվտանգության ծառայությունը Վրաստանում ձերբակալված օտարերկրյա քաղաքացու մասին լրացուցիչ տեղեկություններ չի հայտնում։