Gürcüstanın Dövlət Təhlükəsizlik Xidməti “İslami Dövlət” terror təşkilatı ilə əlaqəsi olan xarici ölkə vətəndaşını həbs edib. DTX-nın Terrorla Mübarizə Mərkəzinin rəhbəri Baça Mqeladze bu gün keçirdiyi brifinqdə Türkiyə mətbuatında terrorçuların Gürcüstanda təlim keçməsi ilə bağlı yayılan məlumatları təkzib edib.
Əsas xəbərlər
Oxucunun seçimi
“Gürcüstan ərazisində terror məqsədləri üçün hərbi hazırlıq və təlim bazalarının olması ilə bağlı xarici KİV-də yayılan məlumatları birmənalı olaraq istisna edirik. Burada təlim düşərgələri yoxdur, terrorçuların, döyüşçülərin hazırlanması baş tutmur.
Sizə daha ətraflı deyim, DTX-da uzun müddətdir istintaq gedir. Bu istintaq çərçivəsində biz genişmiqyaslı və rezonans doğuran, həyəcan verici məlumat əldə etdik və dərhal tərəfdaşlarımızla paylaşdıq. Bundan əlavə, biz Türkiyə tərəfinə məlumat vermişik və müvafiq olaraq, tərəfimizdən verilən məlumat əsasında Türkiyənin antiterror xidməti və müxtəlif bölmələri dünən, mayın 5-də Türkiyənin iki məntəqəsində genişmiqyaslı antiterror əməliyyatı keçirib”, - Bacha Mqeladze bildirib.
Mayın 5-də bir neçə türk mediası Türkiyə Polisi və Milli Kəşfiyyat Təşkilatının 23 vilayətdə eyni vaxtda keçirdiyi antiterror əməliyyatı nəticəsində 74 şübhəlinin həbs edildiyini yazıb. Media araşdırmasının əldə etdiyi məlumatlara əsasən, “İslami Dövlət” Türkiyədə yeni struktur yaradıb, bu struktur Gürcüstan və Azərbaycanda da fəaliyyət göstərir. “Anadolu” dövlət agentliyinin məlumatına görə, təbliğat-təşviqat fəaliyyəti nəticəsində yaradılan “Cihad Qrupu”nun üzvləri Gürcüstanda hərbi təlim keçib, daha sonra münaqişə bölgələrinə göndərilib, Suriya və Gürcüstanda işləyiblər. İstintaq çərçivəsində ümumilikdə 92 şəxsə qarşı həbs qərarı çıxarılıb. Şübhəlilər əsasən Diyarbakırda olub.
Gürcüstan Dövlət Təhlükəsizliyi Xidmətinin bəyanatına əsasən, onların və milli antiterror sistemində iştirak edən səlahiyyətli qurumların iştirakı ilə keçirilən əməliyyat nəticəsində “İslami dövlət”in müxtəlif xarici dövlətlərin ərazisində fəaliyyətləri aşkarlanmışdır. Elektron məlumat daşıyan cihaz əldə edilib və oradan ABŞ və Avropanın paytaxtlarının strateji obyektlərinin peyk fotoları çıxarılıb. DTX bildirir ki, terror təşkilatı ilə təmasda olan şəxslər, əlaqə formaları, üsulları, maraq dairələri və Gürcüstandan kənarda mümkün hücum obyektləri müəyyən edilib.
Təhlükəsizlik Xidməti Gürcüstanda saxlanılan xarici vətəndaşla bağlı əlavə məlumat yaymır.
