Քրիստոնեա-դեմոկրատական միության և Քրիստոնեա-սոցիալական միության (CDU/CSU) պահպանողական դաշինքը Գերմանիայի արտահերթ խորհրդարանական ընտրություններում առաջատարն է 28,6%-ով։ Ըստ էգզիթ փոլերի՝ երկրորդ տեղում է ծայրահեղ աջ «Այլընտրանք Գերմանիայի համար» (AfD) կուսակցությունը՝ 20,4 տոկոսով:
Լրահոս
Ընթերցողի ընտրանի
- 1 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 2 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 3 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 4 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 5 Բաթումիում գտնվող «Երազանքի քաղաքում» 2 երեխա է ընկել ջրով լի փոսը և մահացել
- 6 Մզիա Ամաղլոբելին բոլոր անարդարացիորեն ձերբակալվածների խիզախության խորհրդանիշն է․ Կալլաս և Կոս
Ձախ կենտրոնամետ Սոցիալ-դեմոկրատական կուսակցությունը (SPD) ունի 16,3%, Միություն 90/Կանաչները՝ 12,3%, Ձախ կուսակցությունը՝ 8,5%։
Լիբերալ Ազատ դեմոկրատական կուսակցությունը (FDP)՝ 4,7% և ձախ պոպուլիստական Սառա Վագենկնեխտ միությունը (BSW)՝ 4,9% մնում են 5%-ի շեմից ցածր և, հետևաբար, խորհրդարանից դուրս։ Մնացած կուսակցություններն ունեն ընդհանուր 4,3 տոկոս։
Արդյունքները ցույց են տալիս, որ CDU/CSU դաշինքը պետք է կոալիցիոն կառավարություն ձևավորի։
Ֆրիդրիխ Մերցը կզբաղեցնի կանցլերի պաշտոնը՝ փոխարինելով Սոցիալ-դեմոկրատական կուսակցության (SPD) առաջնորդ Օլաֆ Շոլցին։
2021 թվականից Գերմանիայի կանցլեր Շոլցը ընտրությունների արդյունքներն անվանել է «դառը» և ասել, որ դա իր պատասխանատվությունն է։ Նա շնորհավորել է Մերցին հաղթանակի կապակցությամբ և կոչ է արել բոլոր կողմերին չաշխատել ծայրահեղ աջերի հետ։
Շոլցի SPD-ն իր վատագույն արդյունքն է գրանցել Բունդեսթագի ընտրությունների պատմության մեջ։ Միևնույն ժամանակ, ուլտրաաջ AfD-ն չորս տարվա ընթացքում երկու անգամ բարելավել է իր ցուցանիշը:
69-ամյա Ֆրիդրիխ Մերցը հայտարարել է, որ կոալիցիա չի կազմի AfD-ի հետ:
«Մենք սա ասել ենք ընտրություններից առաջ, և այն մարդիկ, ովքեր քվեարկել են AfD-ի օգտին, դա գիտեին: Շատ պարզ է, որ մենք հաղթել ենք ընտրություններում։ Իմ նպատակն է ստեղծել կառավարություն, որը կներկայացնի ողջ երկիրը և կլուծի երկրի խնդիրները։ Գաղտնիք չէ, որ ես նախընտրում եմ ունենալ միայն մեկ կոալիցիոն գործընկեր»,- ասել է Մերցը։
Բունդեսթագի հաջորդ ընտրությունները պետք է անցկացվեին 2025 թվականի սեպտեմբերի վերջին, սակայն արտահերթ ընտրություններ նշանակվեցին այն բանից հետո, երբ կանցլեր Օլաֆ Շոլցի կոալիցիոն կառավարությունը՝ բաղկացած սոցիալ-դեմոկրատներից, կանաչներից և ազատ դեմոկրատներից, փլուզվեց:
Գերմանիայի խորհրդարանում ընդհանուր առմամբ կա 630 տեղ։ Կառավարություն ձևավորելու համար անհրաժեշտ է առնվազն 316 մանդատ։
