Պատժամիջոցներ «Երազանքի» առաջնորդներին, բանակցություններ չսկսել և դեսպանին ետ կանչել․ նամակ՝ Բորելին

Ժոզեֆ Բորելիին ուղարկված նամակում կարդում ենք, որ հաշվի առնելով այսօր առավոտյան Վրաստանում տեղի ունեցած իրադարձությունները՝ «Օտարերկրյա ազդեցության թափանցիկության մասին» օրենքի հնարավոր շուտափույթ ընդունումը և Վրաստանի ազատ եվրոպամետ ժողովրդին աջակցելու անհրաժեշտությունը, Եվրախորհրդարանի պատգամավորներն ունեն հետևյալ հրատապ հարցերը.

• Մայիսի 27-ին կայանալիք Արտաքին հարաբերությունների խորհրդի նիստից առաջ Եվրահանձնաժողովի բարձր ներկայացուցիչը/փոխնախագահը կառաջարկի՞ նպատակաուղղված կանխարգելիչ միջոցներ պարոն Իվանիշվիլիի, պարոն Կոբախիձեի և պարոն Պապուաշվիլիի, ինչպես նաև Վրաստանի խորհրդարանի բոլոր անդամների դեմ, ովքեր սատարում են արտաքին ազդեցության թափանցիկության օրենքը և Վրաստանի նախագահի պոտենցիալ վետոյի չեղարկումը։
• Բարձր ներկայացուցիչը/փոխնախագահը և Հարևանության քաղաքականության և ընդլայնման հարցերով Եվրոպական հանձնակատարը կհանձնարարե՞ն Եվրոպական արտաքին գործողությունների ծառայությանը (EEAS) և Հարևանության և ընդլայնման բանակցությունների գլխավոր տնօրինությանը (DG NEAR) դադարեցնել ցանկացած բարձր մակարդակի համագործակցություն Վրաստանի կառավարության հետ, եթե դա չի վերաբերում օրենքի չեղարկմանը, այդ թվում ֆինանսական աջակցությունը վերաբաշխելով վրացական քաղաքացիական հասարակության ամրապնդմանը և ձեռնպահ մնալով ԵՄ անդամակցության բանակցությունների մեկնարկից, քանի դեռ օրենքը ուժի մեջ կլինի:
• Արդյո՞ք բարձր ներկայացուցիչը/փոխնախագահը պարտավորվում է օրենքի ընդունումից անմիջապես հետո ետ կանչել ԵՄ-ում Վրաստանի դեսպանին՝ արտահայտելու ԵՄ-ի դատապարտումը և տեղեկացնելու վերը նշված միջոցները ձեռնարկելու իր մտադրության մասին, արդյո՞ք ԵՄ դեսպանի խորհրդատվությունների համար կանչելը կդիտարկվի:

Խորհրդարանի իրավական հարցերի հանձնաժողովի նիստում այսօր՝ մայիսի 13-ին, երրորդ ընթերցմամբ քննարկվել և հավանության է արժանացել «Վրացական երազանքի» նախաձեռնած ռուսական օրենքը։ Ընդդիմությունը չի կարողացել մասնակցել նիստին, որը տևել է մեկ րոպե։

Հանձնաժողովի նիստի նախորդ գիշերը քաղաքացիներն անցկացրել են խորհրդարանի մոտ։ Վաղ առավոտյան իշխանությունը ցրել է նրանց խաղաղ ցույցը և ազատել խորհրդարանի մուտքերը, որպեսզի «Վրացական երազանքի» պատգամավորները մտնեն օրենսդիր մարմին։ Ներքին գործերի նախարարությունը հավաքի ժամանակ ձերբակալել է 20 հոգու։ Նրանցից մի քանիսին դաժան ծեծի են ենթարկել հատուկ ջոկատայինները։

Իշխող կուսակցությունը մտադիր է մայիսի 14-ի լիագումար նիստում երրորդ և վերջնական ընթերցմամբ ընդունել ռուսական օրենքը։