Ներքին գործերի նախարարության, դատախազության և ֆինանսների նախարարության աշխատակիցները Փոթիի նավահանգստում առգրավել են շուրջ 80 կիլոգրամ հերոին։ Մեծ քանակությամբ թմրամիջոց երկիր ապօրինի ներկրելու մեղադրանքով ձերբակալվել է Իրանի քաղաքացի, 1961 թվականին ծնված Բ.Թ.-ն։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 4 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 5 Ժամը 17:00-ի դրությամբ ընտրողների մասնակցությունը 50,06 տոկոս է
- 6 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
Ինչպես հայտնել է Կենտրոնական քրեական ոստիկանության վարչության պետ Թեյմուրազ Կուպատաձեն, մեղադրյալը վարել է բեռնատար մեքենա։ Բեռնատարի խուզարկության ժամանակ կցասայլի ետևի երկու դռների՝ հատուկ կազմակերպված թաքստոցում հայտնաբերվել է մինչև 80 կիլոգրամանոց հերոինի 315 կապոց։
«Քննությամբ պարզվել է, որ մեղադրյալը՝ Իրանի Իսլամական Հանրապետության քաղաքացին, մտադիր է եղել Իրանից Հայաստանի և Վրաստանի տարածքով առանձնապես խոշոր չափի թմրամիջոց տեղափոխել Եվրոպա, որը փորձել է իրականացնել Վրաստանի ծովային նավահանգիստներից մեկով, ինչի ժամանակ ձերբակալվել է»,- ասել է Թեյմուրազ Կուպատաձեն։
Գործը քննվում է Վրաստան մեծ քանակությամբ թմրամիջոցների ապօրինի ներկրման և ձեռք բերման-պահման հոդվածներով։ Հանցագործությունը պատժվում է մինչև 20 տարի ժամկետով կամ ցմահ ազատազրկմամբ։
Վրաստանի ՆԳ նախարարությունը հայտնում է, որ անցած ամիս բելգիացի և հոլանդացի գործընկերների հետ համատեղ ոստիկանական միջոցառման շրջանակներում, նրանց կողմից տրամադրած տվյալների հիման վրա, Բելգիայի Թագավորության Անտվերպեն նավահանգստում, երկու փուլով առգրավվել է աննախադեպ քանակությամբ՝ 1 տոննա 660 կիլոգրամ հերոին։
