Այսօր՝ հոկտեմբերի 8-ին, ՌԴ նախագահ Վլադիմիր Պուտինը Կրեմլում երկկողմ հանդիպումներ կանցկացնի Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 5 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 6 Լարին դոլարի նկատմամբ արժեզրկվել է 2 թեթրիով, եվրոյի նկատմամբ՝ 4 թեթրիով
Ինչպես հայտնել է ՌԴ նախագահի օգնական Յուրի Ուշակովը, հանդիպումները կանցկացվեն ԱՊՀ անդամ երկրների ղեկավարների խորհրդի նիստից առաջ։ Եռակողմ հանդիպում նախատեսված չէ։
«Քննարկվելու են Ադրբեջանի և Հայաստանի միջև հարաբերությունների կարգավորման հարցեր։ Ռուսաստանն այստեղ ակտիվ և դրական դեր է խաղում։ Այս բոլոր բարդ հարցերի համալիր լուծման հիմքում ընկած է Մոսկվայում Ադրբեջանի, Հայաստանի և Ռուսաստանի ղեկավարների ձեռք բերած եռակողմ պայմանավորվածությունների իրականացումը»,- ասել է Ուշակովը։
Բացի այդ, ՌԴ նախագահի օգնականն ասել է, որ Արևմուտքը փորձում է միջամտել բանակցային գործընթացին, ինչը նաև փորձ է միջամտել «տարածաշրջանային գործերին և բուն տարածաշրջանին»։
Հայաստանը հույս ունի Ադրբեջանի հետ խաղաղության համաձայնագրի դրույթները ստորագրել հաջորդ ամսվա ընթացքում՝ նոյեմբերի 11-ին Բաքվում մեկնարկող ՄԱԿ-ի Կլիմայի փոփոխության 29-րդ գագաթնաժողովից առաջ (COP-29): Այս մասին հոկտեմբերի 7-ին Reuters-ին տված հարցազրույցում հայտարարել է նախագահ Վահագն Խաչատուրյանը։ «Եթե միայն մեզնից կախված լիներ, հիմա, այսօր կստորագրեինք։ Սակայն մենք հույս ունենք, որ վաղ թե ուշ այս պահը կգա»,- ասել է Խաչատուրյանը։
Իլհամ Ալիևն ու Նիկոլ Փաշինյանն արդեն Մոսկվայում են։
