Ռուսաստանի նախագահ Վլադիմիր Պուտինը շնորհավորել է օկուպացված Աբխազիային «հաղթանակի և անկախության» 31-րդ տարեդարձի կապակցությամբ։ Դե ֆակտո նախագահ Ասլան Բժանիային ուղղված նամակում Պուտինը աբխազներին մաղթում է խաղաղություն և բարգավաճում։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
«Ստացեք անկեղծ շնորհավորանքներ Աբխազիայի Հանրապետության ազգային տոնի՝ Հաղթանակի և Անկախության օրվա առթիվ։ Ռուս-աբխազական հարաբերությունները հաջողությամբ զարգանում են դաշինքի և ռազմավարական գործընկերության սկզբունքների հիման վրա։ Վստահ եմ, որ համատեղ ջանքերով մենք կկարողանանք ապահովել տարբեր ոլորտներում երկկողմ համագործակցության հետագա ընդլայնումը։ Ռուսաստանը կշարունակի ակտիվորեն աջակցել Աբխազիայի կառավարությանն ու ժողովրդին պետական զարգացման խնդիրների լուծման գործում։ Անկեղծորեն մաղթում եմ ձեզ առողջություն և հաջողություններ, իսկ ձեր բոլոր քաղաքացիներին՝ խաղաղություն և բարգավաճում»,- գրում է Պուտինը Բժանիային։
Հրապարակվել է նաև ՌԴ կառավարության նախագահ Միխայիլ Միշուստինի նամակը, ով սեպտեմբերի 30-ին շնորհավորում է դե ֆակտո հանրապետության վարչապետ Ալեքսանդր Անկվաբին։
Սեպտեմբերի 30-ին Աբխազիայում նշվում է «Հաղթանակի և անկախության օրը»։ 31 տարի առաջ, 1993 թվականի սեպտեմբերի 30-ին՝ Սոխումիի անկումից երեք օր անց, անջատականները ռուսական ռազմական ռեսուրսների և վարձկան ստորաբաժանումների աջակցությամբ օկուպացրին Աբխազիան։
