Վրացի վավերագրող Սալոմե Ջաշին արժանացել է Բեռլինի արվեստի մրցանակի՝ «Կինո և մեդիաարվեստ» անվանակարգում։ Մրցանակը շնորհվում է ամեն տարի Բեռլինի Սենատի անունից։
Լրահոս
Ընթերցողի ընտրանի
- 1 Կառավարությունը մայիսի 7-ը, 8-ը և 10-ը հայտարարել է ոչ աշխատանքային օրեր
- 2 Սա բռնություն է սահմանադրության նկատմամբ, Իվանիշվիլիի ելույթը սադրիչ էր. Նախագահը՝ դեսպաններին
- 3 Գերմանիան Վրաստանի կառավարությանը կոչ է արել չխոչընդոտել երկրի ուղին դեպի եվրոպական ապագա
- 4 «Բոլորը մեկ մարդու նման Ռուսթավելի»․ հանրային ծառայողների մոբիլիզացիան «Երազանքի» հակաակցիայի համար
- 5 Բիձինա Իվանիշվիլին հրաժարվել է հանդիպել պետքարտուղարի օգնական Ջիմ Օ՛Բրայենի հետ
- 6 Բիձինա Իվանիշվիլիի հակաարևմտյան ուղերձները
Մրցանակաբաշխությունը տեղի կունենա Բեռլինում՝ այս տարվա մարտի 18-ին։ Մրցանակը Սալոմե Ջաշին և մյուս հինգ անվանակարգերի հաղթողներին կհանձնեն Բեռլինի Սենատի մշակույթի դեպարտամենտի քարտուղար Սառա Վեդլ-Վիլսոնը և Գեղարվեստի ակադեմիայի նախագահ Ժանին Մերապֆելը։
Սալոմե Ջաշիի «Մոթվինիերեբա» վավերագրական ֆիլմը, որը թողարկվել է 2021 թվականին և վերաբերում է հսկա ծառերի տեղափոխմանը Բիձինա Իվանիշվիլիի դենդրոլոգիական այգի, բազմիցս դարձել է վրացական իշխանությունների քննադատության առարկան։ 2023 թվականին «Վրացական երազանքի» այն ժամանակվա նախագահ և երկրի ներկայիս վարչապետ Իրակլի Կոբախիձեն այս ֆիլմն «ամոթալի» է որակել և քննադատել Կինեմատոգրաֆիայի ազգային կենտրոնին՝ այն ֆինանսավորելու համար։ Ավելի վաղ՝ 2022 թվականի ապրիլին, վրացական կինոակադեմիայի որոշմամբ Թբիլիսիում չեղարկվել էին ֆիլմի ցուցադրությունները։ Ռեժիսորի խոսքով՝ սրա պատճառը ֆիլմի բովանդակությունն էր։
Սալոմե Ջաշին նաև նկարահանել է «Տենդից հետո» (2023), «Մայրամուտի գրավչությունը» (2016), «Բախմարո» (2011), «Առաջնորդը միշտ իրավացի է» (2010) և «Լուռը» (2009) վավերագրական ֆիլմերը։ Նա Վրաստանի վավերագրական կինոյի «Դոկա» ասոցիացիայի նախագահն է և Վրաստանի կինոյի ինստիտուտի կինեմատոգրաֆիստների խորհրդի անդամ։