Ռուսաստանի օդային տրանսպորտի դաշնային գործակալությունը («Ռոսավիացիա») թույլ է տվել շաբաթական 284 չվերթ իրականացնել Ռուսաստանի և Վրաստանի քաղաքների միջև։ Այս մասին գործակալության ղեկավարի հրամանը հրապարակվել է գերատեսչության պաշտոնական կայքում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Նոր չվերթներ իրականացնելու համար ռուսական ավիաընկերությունները պետք է դիմեն Վրաստանի քաղաքացիական ավիացիայի գործակալությանը և թույլտվություն ստանան։
«Էխո Կավկազա» լրատվականի համաձայն՝ «Ռոսավիացիան» թույլտվությունների մեծ մասը տվել է Red Wings ավիաընկերությանը, որը ցանկանում է չվերթներ իրականացնել հետևյալ ուղղություններով.
- Վլադիկավկազից Բաթումիի և Թբիլիսիի ուղղությամբ (շաբաթական 7 չվերթ),
- Եկատերինբուրգից Բաթումիի և Քութայիսիի ուղղությամբ (շաբաթական 7 չվերթ),
- Ժուկովսկիից Բաթումիի, Քութայիսիի և Թբիլիսիի ուղղությամբ (շաբաթական 7 չվերթ),
- Կազանից Բաթումիի և Քութայիսիի ուղղությամբ (շաբաթական 7 չվերթ),
- Կրասնոդարից Թբիլիսիի (շաբաթական թռիչքների հաճախականությունը 3-ից դարձել է 7), Բաթումիի և Քութայիսիի ուղղությամբ (շաբաթական 7 չվերթ),
- Մախաչկալայից Բաթումիի, Քութայիսիի և Թբիլիսիի ուղղությամբ (շաբաթական 7 չվերթ),
- Միներալնիե Վոդիից Բաթումիի և Թբիլիսիի ուղղությամբ (շաբաթական 7 չվերթ),
- Մոսկվայից Բաթումիի և Քութայիսիի ուղղությամբ (շաբաթական թռիչքների հաճախականությունը 3-ից հասել է 7-ի),
- Նիժնի Նովգորոդից Բաթումիի, Քութայիսիի և Թբիլիսիի ուղղությամբ (շաբաթական 7 չվերթ),
- Պերմից Բաթումիի, Քութայիսիի և Թբիլիսիի ուղղությամբ (շաբաթական 7 չվերթ),
- Դոնի Ռոստովից Բաթումիի, Քութայիսիի և Թբիլիսիի ուղղությամբ (շաբաթական 7 չվերթ),
- Սամարայից Բաթումիի և Քութայիսիի ուղղությամբ (շաբաթական 7 չվերթ),
- Սոչիից Թբիլիսի (շաբաթական թռիչքների հաճախականությունը 3-ից դարձել է 7) Բաթումիի և Քութայիսիի ուղղությամբ (շաբաթական 7 չվերթ),
- Տյումենից Քութայիսիի և Թբիլիսիի ուղղությամբ (շաբաթական 7 չվերթ),
- Ուֆայից Քութայիսիի և Թբիլիսիի ուղղությամբ (շաբաթական 7 չվերթ),
- Չելյաբինսկից Բաթումիի, Քութայիսիի և Թբիլիսիի ուղղությամբ (շաբաթական 7 չվերթ)։
Դեպի Վրաստան չվերթներ կարող են սկսել «Ռոսիա» (Սոչի-Թբիլիսի ուղղությամբ՝ շաբաթական 7 անգամ) և «Յամալ» (Տյումեն-Թբիլիսի և Տյումեն-Բաթումի ուղղությամբ՝ շաբաթական մեկ անգամ) ավիաընկերությունները։
«Էխո Կավկազան» նշում է, որ Կրասնոդարի և Դոնի Ռոստովի օդանավակայանները փակ են Ռուսաստանի կողմից Ուկրաինայում պատերազմ սկսելուց ի վեր։ Ուստի ավիաընկերությունները չեն կարողանա թռիչքներ սկսել, քանի դեռ գործող սահմանափակումները չեն հանվել։
Ռուսաստանի և Վրաստանի միջև ուղիղ չվերթները վերականգնվել են մայիսին։ Այսօրվա դրությամբ ամենօրյա չվերթեր են իրականացնում ռուսական «Ազիմուտ» (Մոսկվա-Թբիլիսի-Մոսկվա) և վրացական Georgian Airways ավիաընկերությունները (Թբիլիսի-Մոսկվա-Թբիլիսի): Առաջիկա օրերին Red Wings-ը կսկսի թռիչքները Սոչի-Թբիլիսի-Սոչի և Մոսկվա-Քութայիսի-Մոսկվա երթուղիներով։
