Ռուսաստանի օկուպացիոն ուժերի ներկայացուցիչները օկուպացված Ախալգորիի շրջանի Ախմաջի գյուղի շրջակայքում ձերբակալել են Վրաստանի քաղաքացու։ Ձերբակալվածը միջին տարիքի տղամարդ է և Ախալգորիի շրջան է գնացել Թբիլիսիից։
Լրահոս
Ընթերցողի ընտրանի
- 1 Դպրոցներում պարտադիր հիմնական կրթությունը 9-ի փոխարեն սահմանվել է 10 դասարան
- 2 Այսօրվանից չեղարկված հին նույնականացման քարտերով թոշակ ստանալ հնարավոր կլինի ևս մեկ ամիս
- 3 Բոլնիսիում ռազմական ուղղաթիռի կործանման հետևանքով մեկ մարդ է զոհվել
- 4 «Վրացական երազանքը» ընտրություններից առաջ պատրաստվում է համաներում հայտարարել
- 5 Վրաստանը ՄԱԿ-ում կողմ է քվեարկել Զապորոժիեի կայանից ռուսական ուժերի դուրսբերմանը
- 6 Վրաստանը հաղթեց Պորտուգալիային և դուրս եկավ Եվրոպայի առաջնության 1/8 եզրափակիչ
Վրաստանի Պետական անվտանգության ծառայության տվյալներով՝ միջադեպի մասին տեղեկություն ստանալուն պես՝ ակտիվացվել է Եվրամիության դիտորդական առաքելության «թեժ գիծը», և փաստի մասին անմիջապես տեղեկացվել են Ժնևում միջազգային քննարկումների համանախագահները և միջազգային գործընկերները։
«Ակտիվացվել են բոլոր առկա մեխանիզմները՝ ապօրինի ձերբակալված Վրաստանի քաղաքացուն հնարավորինս արագ ազատ արձակելու համար։ Վրաստանի օկուպացված տարածքներում, ինչպես նաև օկուպացիոն գծի երկայնքով կատարված բոլոր ապակառուցողական գործողությունների պատասխանատվությունը կրում է օկուպացիոն ուժը», -ասված է ՊԱԾ-ի հայտարարության մեջ։
Ներկայում Ցխինվալիում անօրինական կալանքի տակ է գտնվում Վրաստանի 6 քաղաքացի։
Նրանց թվում են Դիմիտրի Կորինթելին և Գիորգի Մելաձեն, որոնց ռուս զինվորականներն առևանգել էին 2023 թվականի նոյեմբերի 24-ին՝ Գորիի մունիցիպալիտետի Աձվի գյուղի եկեղեցուց։ Եկեղեցին գտնվում է օկուպացիոն գծից մյուս կողմում։
Ցխինվալիի բանտում են մնում նաև Լաշա Խեթերելին, Պետրե Կալաշնիկովը և Գիորգի Մոսիաշվիլին։ Լիախվիի հովտից տեղահանված Լաշա Խեթերելին արդեն ութերորդ անգամ է ձերբակալվել օկուպացիոն ռեժիմի կողմից։ Վերջին անգամ՝ հուլիսի 5-ին նա ձերբակալվել է օկուպացված Դիսև գյուղի մոտ։ Մինչ այդ Խեթերելին անօրինական կալանքի տակ ավելի քան մեկ տարի է անցկացրել Ցխինվալիի բանտում։ Նա հարազատներ ունի օկուպացված տարածքում։ 2008 թվականի պատերազմից հետո նա ապրում է Շաումիանիի տեղահանվածների ավանում։ 2023 թվականի հոկտեմբերի 31-ին ռուս զինվորները Սինագուրի գյուղի շրջակայքից առևանգել են Պերեևի գյուղի բնակիչ Գիորգի Մոսիաշվիլիին։ Պետրե Կալաշնիկովի ձերբակալության մասին մանրամասն տեղեկություններ չեն հրապարակվում։
![Վրաստանի լուրեր](/images/a2.png#joomlaImage://local-images/a2.png?width=80&height=80)