Գիորգի Շանիձեն, ով ձերբակալվել էր ռուսական օրենքի դեմ բողոքի ակցիայի ժամանակ խորհրդարանի հսկողության տեսախցիկը վնասելու մեղադրանքով, դատապարտվել է 4 տարվա ազատազրկման։ Թբիլիսիի քաղաքային դատարանի դատավոր Միխեիլ Ջինջոլիան այսօր՝ սեպտեմբերի 16-ին, հրապարակել է վճիռը։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
Գիորգի Շանիձեն ձերբակալվել է մայիսի 8-ին՝ քրեական օրենսգրքի 187-րդ հոդվածի առաջին մասի հիման վրա։ Այս հոդվածը վերաբերում է ուրիշի գույքի վնասմանը կամ ոչնչացմանը, որը զգալի վնաս է հասցրել։ Ձերբակալությունից հետո դատախազությունը Շանիձեին մեղադրանք է առաջադրել քրեական օրենսգրքի 265-րդ հոդվածի երկրորդ մասով՝ կանեփի ապօրինի աճեցման համար, որն ավելի ծանր հանցագործություն է և պատժվում է չորսից յոթ տարի ժամկետով ազատազրկմամբ։
«Ես կրկին ինձ հանցագործ չեմ համարում։ Ինչ վերաբերում է այս ցույցերին, ապա կարծում եմ, որ ես անում էի ինչ-որ անհրաժեշտ բան իմ երկրի համար, և դրա համար ես կատարել եմ, ասենք, այս հանցագործությունը, որի մեջ ինձ մեղադրում են, ոչ թե նրա համար, որ ուզում էի վնասել տեսախցիկը կամ ինչ-որ բան, ինչպես պնդում է պարոն դատախազը։ Բացի այդ, մնացած հանցագործությունների մասով, կարծում եմ, այս հոդվածի նկատմամբ մոտեցումը շատ է փոխվել։ Ես անձամբ ճանաչում եմ մարդկանց, ովքեր պայմանական վաղաժամկետ ազատ են արձակվել շատ ավելին անելու համար:
Եթե քաղաքական բողոք չլիներ, ինձ ընդհանրապես չէին բռնի ու դրսում կլինեի։ Կարծում եմ՝ կարող եք օգտագործել ձեր ձեռքի տակ եղած լծակը՝ 50-րդ հոդվածի տեսքով, և ինձ ազատ արձակել պայմանական պատժաչափով։ Ազատազրկումն ինձ չի պատկանում»,- դատավորին դիմել է Շանիձեն։
Գիորգի Շանիձեի կողմնակիցները կարծում են, որ նա պատժվել է որպես օրինակ։ «Ուժեղ Վրաստան» կոալիցիայի առաջնորդներից Անա Դոլիձեի խոսքով՝ Շանիձեն «ռուսական իշխանության» քաղբանտարկյալ է։
«Ուկրաինայում մարդկային կյանքեր փրկելու առումով նա հերոսություն է արել։ Նա փրկել և նկարահանել է Զմեյն կղզու իրադարձությունները։ Այն, ինչ տեղի ունեցավ այսօր, նրա դատավարությունը, «Վրացական երազանքի» ուղղակի հրահանգն է՝ պատժել բոլոր այն մարդկանց, ովքեր անհարմարություններ են պատճառում Ռուսաստանի իշխանություններին»,- ասել է Դոլիձեն։
Ապրիլ-հունիսին, այսպես կոչված «օտարերկրյա գործակալների» մասին ռուսական օրենքի դեմ ակցիաների շուրջ 200 մասնակից է ձերբակալվել վարչական կարգով։ Դատախազությունը ինը անձի մեղադրանք է առաջադրել ոստիկանի վրա հարձակվելու և գույքը վնասելու համար։ Մյուս գործերով դատավարությունները դեռ չեն ավարտվել։
Նշենք, որ ՆԳՆ ներկայացուցիչները դաժան ծեծի են ենթարկել ցուցարար պատգամավորներին՝ Ալեկո Էլիսաշվիլիին և Լևան Խաբեիշվիլիին, ինչպես նաև քաղաքացիական ակտիվիստ Դավիթ Քացարավային և այլոց։ Այս բռնությունների համար ոչ ոք պատասխանատվության չի ենթարկվել։
