Խորհրդարանի մոտ ընդդեմ ռուսական օրենքի հավաքված հազարավոր ցուցարարները տեղափոխվել են Հերոսների հրապարակ։ Այս պահին բոլոր ուղղություններով երթևեկությունը կաթվածահար է եղել։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 3 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
Ժամը 19։00-ի դրությամբ Հերոսների հրապարակում հավաքված քաղաքացիները մի քանի ուղղություններով փակել են ճանապարհը։ Այնտեղ ժամանած ոստիկանները սկսել են բացել ճանապարհը, բռնի ուժով դուրս են բերել քաղաքացիներին, մի քանիսին ձերբակալել։ Հանրահավաքի մասնակիցների ձերբակալության դրվագներից մեկին մասնակցել է նաև պարեկային ոստիկանության պետի տեղակալ Գոգա Մեմանիշվիլին։
Ժամը 20:45-ի սահմաններում խորհրդարանի դիմաց հավաքված ցուցարարները շարժվել են դեպի Հերոսների հրապարակ։ Երթին մասնակցում են նաև ընդդիմադիր քաղաքական գործիչներ։
Վրաստանի երիտասարդ իրավաբանների ասոցիացիան հայտարարում է, որ ճանապարհ փակելը մտնում է հավաքների ազատության շրջանակում և կոչ է անում ՆԳՆ-ին դադարեցնել վարչական կալանքը և քաղաքացիներին բողոքի ակցիայի հնարավորություն տալ։ ՎԵԻԱ-ն նաև ոստիկաններին հորդորում է չհնազանդվել ապօրինի հրամաններին։
Ապրիլի 15-ից Թբիլիսիում բազմահազարանոց բողոքի ցույցեր են ընթանում ընդդեմ ռուսական օրենքի։ Չնայած քաղաքացիների բողոքներին և միջազգային կոչերին, «Վրացական երազանքը» հրաժարվում է օրենքն ետ կանչել։
