Rus qanununa qarşı parlamentin yaxınlığında toplaşan minlərlə nümayişçi Qəhrəmanlar Meydanına doğru hərəkət edib, nəticədə bütün istiqamətlərdə nəqliyyatın hərəkəti iflic olub.
Əsas xəbərlər
Saat 19:00-dan Qəhrəmanlar Meydanına toplaşan vətəndaşlar bir neçə istiqamətdə yolu bağlayıblar. Hadisə yerinə gələn polislər yolu təmizləməyə başlayıb, vətəndaşları zorla çıxarıb və bir neçə nəfəri həbs edib. Aksiya iştirakçılarının həbsi hallarınmdan birində patrul polisinin rəis müavini Qoqa Memanişvili də iştirak edib.
Saat 20:45 radələrində parlamentin qarşısına toplaşan nümayişçilər Qəhrəmanlar Meydanına doğru hərəkət ediblər. Yürüşdə müxalif siyasətçilər də iştirak edib.
Gürcüstanın Gənc Hüquqşünaslar Assosiasiyası yolun bağlanmasının sərbəst toplaşmaq azadlığına aid olduğunu bildirir və Daxili İşlər Nazirliyinə müraciət edərək, inzibati həbsləri dayandırmaq və vətəndaşlara etiraz etmək imkanı verməyə çağırır. “GGHA”həmçinin polisləri qanunsuz əmrlərə tabe olmamağa çağırır.
Aprelin 15-dən Tbilisidə rus qanununa qarşı minlərlə insanın iştirak etdiyi etiraz aksiyaları keçirilir. Vətəndaşların etirazlarına və beynəlxalq müraciətlərə baxmayaraq, “Gürcü Arzusu” qanundan geri götürməkdən imtina edir.
