რუსული კანონის წინააღმდეგ პარლამენტთან შეკრებილმა ათასობით დემონსტრანტმა გმირთა მოედანზე გადაინაცვლა. ამ დროისთვის საავტომობილო მოძრაობა ყველა მიმართულებით პარალიზებულია.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
გმირთა მოედანზე მოქალაქეები 19:00 საათისთვის შეიკრიბნენ და რამდენიმე მიმართულებით გადაკეტეს გზა. ადგილზე მისულმა პოლიციელებმა გზის სავალი ნაწილის გათავისუფლება დაიწყეს, მოქალაქეები ძალის გამოყენებით გაიყვანეს, რამდენიმე მათგანი კი დააკავეს. აქციის მონაწილეების დაკავების ერთ-ერთ ეპიზოდში საპატრულო პოლიციის უფროსის მოადგილე გოგა მემანიშვილიც მონაწილეობდა.
დაახლოებით 20:45 საათზე, პარლამენტის წინ შეკრებილი დემონსტრანტები გმირთა მოედნისკენ დაიძრნენ. მსვლელობაში ოპოზიციონერი პოლიტიკოსებიც მონაწილეობდნენ.
საქართველოს ახალგაზრდა იურისტთა ასოციაცია აცხადებს, რომ გზის გადაკეტვა შეკრების თავისუფლების ფარგლებში ექცევა და შინაგან საქმეთა სამინისტროს მიმართავს, შეწყვიტოს ადმინისტრაციული დაკავებები, მისცეს მოქალაქეებს პროტესტის გამოხატვის საშუალება. საია პოლიციელებსაც მოუწოდებს, არ დაემორჩილონ უკანონო ბრძანებებს.
რუსული კანონის წინააღმდეგ მრავალათასიანი აქციები თბილისში 15 აპრილიდან მიმდინარეობს. მოქალაქეების პროტესტისა და საერთაშორისო მოწოდებების მიუხედავად, „ქართული ოცნება“ უარს ამბობს კანონის უკან გაწვევაზე.
