Ռուսաստանի արտաքին գործերի նախարարությունը զգուշացրել է իր քաղաքացիներին օկուպացված Աբխազիայում անվտանգության ռիսկերի մասին։
Լրահոս
Ընթերցողի ընտրանի
- 1 Դպրոցներում պարտադիր հիմնական կրթությունը 9-ի փոխարեն սահմանվել է 10 դասարան
- 2 Այսօրվանից չեղարկված հին նույնականացման քարտերով թոշակ ստանալ հնարավոր կլինի ևս մեկ ամիս
- 3 Բոլնիսիում ռազմական ուղղաթիռի կործանման հետևանքով մեկ մարդ է զոհվել
- 4 «Վրացական երազանքը» ընտրություններից առաջ պատրաստվում է համաներում հայտարարել
- 5 Վրաստանը ՄԱԿ-ում կողմ է քվեարկել Զապորոժիեի կայանից ռուսական ուժերի դուրսբերմանը
- 6 Միլլերի խոսքով՝ ՆԱՏՕ-ի գագաթնաժողովին հրավիրվել է Վրաստանի արտաքին գործերի նախարարը
Նախարարության տվյալներով՝ «Աբխազիայի քաղաքացի» Է.Գ. Աբուխբան, ով 2019 թվականին ռուս կին զբոսաշրջիկի նկատմամբ ծանր հանցագործություն է կատարել, փետրվարի 2-ին բանտից ազատ է արձակվել։ Աբուխբայի պատիժը մեղմացրել է այսպես կոչված Գերագույն դատարանը, ինչի պատճառով ՌԴ կառավարությունը զարմանք է հայտնում։
«Մեր կարծիքով, այս աղմկահարույց դեպքը վկայում է աբխազական արդարադատության չափազանց մեղմ վերաբերմունքի մասին հանրապետության տարածքում կատարված հանցագործությունների և հանցագործների նկատմամբ կիրառվող պատիժների նկատմամբ։ Ակնհայտ է, որ դա վտանգներ է ստեղծում ամեն տարի Աբխազիայի հանգստավայրեր ժամանող մեծ թվով օտարերկրյա հյուրերի անվտանգության համար, ինչի մասին մենք ստիպված ենք զգուշացնել մեր հայրենակիցներին»,- ասված է ՌԴ ԱԳՆ հայտարարության մեջ։
2021 թվականի փետրվարին Սոխումիի քաղաքային դատարանը Էդգար Աբուխբային դատապարտել է 9 տարվա ազատազրկման։ Գործի նյութերի համաձայն՝ 2019 թվականի հուլիսին Աբուխբան Սոխումիում այրված կառավարական շենք է տարել Ռուսաստանի քաղաքացու՝ 1999 թվականին ծնված կնոջ, որտեղ ծեծել է նրան, բռնաբարել, ապա քարով վնասվածքներ հասցրել։ Նա վերցրել է կնոջը պատկանող երկու հեռախոս և զարդեր ու թաքնվել։ Աբուխբան մեղավոր է ճանաչվել բռնաբարության, անբարո գործողությունների, կողոպուտի և կնոջը ծանր մարմնական վնասվածք հասցնելու մեջ։ Հանցագործության պահին Էդգար Աբուխբան 17 տարեկան էր։
