Ջավախքի գյուղերում կարելի է հազարավոր տոննաներով թափված կարտոֆիլի բլրակներ տեսնել։ Շատ ֆերմերներ անցյալ տարի գրեթե ինքնարժեքով՝ նույնիսկ 50 թեթրիով չեն կարողացել վաճառել իրենց աճեցրած բերքը: Դրա հիմնական պատճառն այն է, որ Ուկրաինայում պատերազմի սկսվելուց հետո գրեթե 3-4 անգամ ավելացել է կարտոֆիլի ներմուծումը Ռուսաստանից և Բելառուսից։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 4 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 5 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 6 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
Ռուսական կարտոֆիլի մեծածախ գինը կազմում է 70 թեթրի և 10-20 թեթրիով ավելի է վրացական արտադրանքի գնից։
Անցյալ տարի Վրաստան է ներմուծվել 23 հազար տոննա կարտոֆիլ։ Այստեղից մեծ մասը՝ գրեթե 17 հազար տոննան, ներմուծվել է Ռուսաստանից և Բելառուսից։
Վիճակագրության ծառայության տվյալներով՝ Վրաստան է ներմուծվում 199 հազար տոննա կարտոֆիլ, սպառման համար մեզ անհրաժեշտ է 192 հազար տոննա։ Ըստ տարածաշրջանների՝ ամենից շատ կարտոֆիլ է արտադրվում Սամցխե-Ջավախեթիում՝ գրեթե 130 հազար տոննա։
Ռուսաստանից և Բելառուսից ներմուծման աճի պատճառով տեղի ֆերմերները վերջին 2 տարիներին հատկապես դժվարությամբ են կարտոֆիլը վաճառում, ինչի պատճառով տարածաշրջանում արդեն նվազել է կարտոֆիլի ցանքատարածությունները։
Կարտոֆիլագործությունը Ջավախքում եկամտի հիմնական աղբյուրներից մեկն է։ Այժմ ավելի շատ երիտասարդներ են հեռանում տարածաշրջանից։ Նրանցից շատերը ընտանիքի կարիքները հոգալու համար մեկնում են Ռուսաստան, ինչի արդյունքում Վրաստանի ավելի շատ քաղաքացիներ են կախվածության մեջ մնում այդ երկրից։
