Ռուսաստանի խաղողագործների և գինեգործների ասոցիացիան կոչ է անում կառավարությանը չեղարկել Վրաստանից գինու ներմուծման արտոնյալ ռեժիմը և 200% հարկ սահմանել ՆԱՏՕ-ի անդամ երկրներից գինու ներմուծման համար։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
Ասոցիացիայի տվյալների համաձայն՝ 2023 թվականին ռուսական շուկայում ներմուծվող գինու տեսակարար կշիռը նախորդ տարվա համեմատ աճել է 4 տոկոսային կետով և կազմել 48%, մինչդեռ Ռուսաստանում արտադրված գինու վաճառքի մասնաբաժինը այս ընթացքում նվազել է։
«Մենք որոշել ենք կրկին դիմել կառավարությանը և Պետդումային՝ ուժեղացնելու միջոցները ռուսական շուկայի պաշտպանության համար»,- ռուսական լրատվամիջոցներին ասել է ասոցիացիայի գործադիր տնօրեն Ալեքսեյ Պլոտնիկովը։
Խաղողագործների և գինեգործների ասոցիացիան հանդես է գալիս սեպտեմբերից խանութներում և սրճարաններում ռուսական գինու համար 20%-ից 50% քվոտա սահմանելու նախաձեռնությամբ։
Ռուսաստանի խաղողագործների և գինեգործների ասոցիացիան միավորում է տասնյակ ընկերություններ: 2019 թվականից դրա խորհուրդը գլխավորում է հեռուստահաղորդավար, Ռուսաստանի կառավարության քարոզչական լրատվամիջոց՝ Russia Today-ի գլխավոր տնօրեն Դմիտրի Կիսիլյովը, ով նաև զբաղվում է գինեգործությամբ և հանդիսանում է օկուպացված Ղրիմում գտնվող Cock t'est belle գինու գործարանի սեփականատերը։
Ռուսաստանը վրացական գինու արտահանման հիմնական շուկան է, որտեղ, ըստ GeoStat-ի տվյալների` 2023 թվականին արտահանվել է մոտ 62 մլն տոննա բնական խաղողի գինի` 168 304 300 ԱՄՆ դոլար արժողությամբ։ Տարվա առաջին հինգ ամիսներին Վրաստանը գինի ներմուծող երկրների շարքում առաջին տեղում էր։ Բացի այդ՝ 2023-ին, 2022-ի համեմատ, Վրաստանից Ռուսաստան գինու արտահանումը կրճատվել է 10․9%-ով։
Վրաստանից Ռուսաստան գինու ներմուծման հարկը զրոյական է։