Ռուսթավիում տղամարդը սպանել է կնոջն ու զոքանչին

Դեպքի վայրում հետաքննությունը դեռ շարունակվում է։ Ըստ ականատեսների՝ հինգ կրակոց է հնչել։ Նրանց տեղեկություններով՝ սպանությունից հետո տղամարդը փախուստի չի դիմել և հավանաբար ինքն է ոստիկանություն կանչել։

ՆԳՆ-ից հայտնում են, որ դեպքի առթիվ հետաքննություն է սկսվել քրեական օրենսգրքի 109-րդ հոդվածով, որը վերաբերում է ծանրացուցիչ հանգամանքներում կատարված դիտավորությամբ սպանությանը։

2014-2023 թվականներին Վրաստանում սպանվել է ավելի քան 200 կին․ 2014 թվականին՝ 33 կին, 2015 թվականին՝ 17 կին, 2016 թվականին՝ 28 կին, 2017 թվականին՝ 22 կին, 2018 թվականին՝ 18 կին, 2019 թվականին՝ 15 կին, 2020 թվականին՝ 22 կին, 2021 թվականին՝ 18 կին, 2022 թվականին՝ 22 կին, 2023 թվականին՝ 24 կին։