Ներքին գործերի նախարարության սահմանային ոստիկանությունը պայմանագիր է կնքել ֆրանսիական «Airbus Helicopters» ընկերության հետ՝ «H145» տեսակի 3 նոր ուղղաթիռ գնելու համար։ Նախարարության տվյալներով՝ «Airbus»-ի հետ մի քանի ամիս տևած բանակցություններից հետո նախագծի ընդհանուր արժեքը կազմում է մոտավորապես 26 500 000 եվրո։ Առաջին ուղղաթիռը վրացական կողմին կհանձնվի պայմանագրի ստորագրումից 17 ամիս անց։
Լրահոս
Ընթերցողի ընտրանի
- 1 Կառավարությունը մայիսի 7-ը, 8-ը և 10-ը հայտարարել է ոչ աշխատանքային օրեր
- 2 Սա բռնություն է սահմանադրության նկատմամբ, Իվանիշվիլիի ելույթը սադրիչ էր. Նախագահը՝ դեսպաններին
- 3 Գերմանիան Վրաստանի կառավարությանը կոչ է արել չխոչընդոտել երկրի ուղին դեպի եվրոպական ապագա
- 4 «Բոլորը մեկ մարդու նման Ռուսթավելի»․ հանրային ծառայողների մոբիլիզացիան «Երազանքի» հակաակցիայի համար
- 5 Բիձինա Իվանիշվիլին հրաժարվել է հանդիպել պետքարտուղարի օգնական Ջիմ Օ՛Բրայենի հետ
- 6 Ռուսական օրենքի դեմ բողոքի ակցիայի մասնակիցները ֆիզիկական բռնության են ենթարկվել
«Համաձայնագրի պայմանների համաձայն՝ տարիներ առաջ բարձրաստիճան պաշտոնյաների համար գնված AS332 L1e S/N 2833 (Super Puma) ուղղաթիռը վրացական կողմը կհանձնի Airbus Helicopters-ին։ Նշված ուղղաթիռի մասնավորեցման արդյունքում պետությունը նոր ուղղաթիռների ձեռքբերման ընթացքում կտնտեսի 5 500 000 հազար եվրո գումար»,- ասված է ՆԳՆ հաղորդագրության մեջ։
«H145»-ը բազմաֆունկցիոնալ ուղղաթիռ է, որը կարող է իրականացնել ոստիկանական, տրանսպորտային, որոնողափրկարարական գործառույթներ։ Նոր ուղղաթիռները լիովին կահավորված կլինեն հրդեհաշիջման և լեռնափրկարարական սարքավորումներով։ Ուղղաթիռները ունեն 2 շարժիչ, ինչը բարձրացնում է թռիչքի անվտանգությունը։ Ուղղաթիռի այս տեսակն առանձնանում է մեծ բարձրության վրա գործելու և մանևրելու ունակությամբ, ինչը, հաշվի առնելով Վրաստանի լեռնային տեղանքը, լիովին համատեղելի կլինի առկա խնդիրների հետ։
«H145»-ը «Airbus»-ի նորագույն մոդելներից մեկն է, որն օգտագործվում է ոստիկանության և շտապ օգնության ծառայությունների կողմից՝ Գերմանիայում, Շվեյցարիայում, Ֆրանսիայում, Կանադայում և այլ երկրներում:
ՆԳՆ-ում կնքված պայմանագրով առաջին ուղղաթիռը վրացական կողմին կհանձնվի պայմանագրի ստորագրումից հետո՝ 17 ամսվա ընթացքում, իսկ երեք ավիացիոն սարքավորումները Վրաստանում կլինեն 20 ամսվա ընթացքում՝ լիարժեք թռիչքային վիճակում։ Նոր ուղղաթիռների ձեռքբերման հետ մեկտեղ պայմանագիրը ներառում է նաև օդաչուների և ինժեներների վերապատրաստում, պահեստամասերի ձեռքբերում և 3 տարվա գործարանային երաշխիք։
Հուլիսի 29-ին Գուդաուրիում փրկարարական աշխատանքներ իրականացնելիս կործանվեց սահմանային ոստիկանությանը պատկանող «Mi 8» ուղղաթիռը։ Ուղղաթիռում գտնվում էին անձնակազմի 4 անդամ, 2 փրկարար և 2 բուժաշխատող։ Բորտում գտնվող բոլոր ութ մարդիկ զոհվեցին։ Ուղղաթիռի օգնությամբ Գուդաուրիում ընկած պարապլանիստի և նրան ուղեկցող անձի փրկարարական աշխատանքներն էին իրականացվում։ Ականատեսների նկարահանած տեսանյութում երևում է, որ նախ վնասվում է ուղղաթիռի պոչը, մի քանի վայրկյանում այն պոկվում է, ինչից հետո ամբողջությամբ կորցնում է կառավարումը։ Վթարից հետո տեղի ունեցած պայթյունի հետևանքով ուղղաթիռն ամբողջությամբ այրվել է։
Վրաստանը ոչ մի հատուկ փրկարարական ուղղաթիռ չունի։ Սահմանային ոստիկանության ուղղաթիռներն օգտագործվում են ոչ միայն լեռնային շրջաններում սահմանապահներին տեղափոխելու, այլև արտակարգ իրավիճակներում՝ փրկարարական աշխատանքների և անտառային հրդեհների մարման համար։
