Սալոմե Զուրաբիշվիլիի ելույթը Եվրոխորհրդարանում հետաձգվել է

Մարտի 31-ին Վրաստանի նախագահը խորհրդարանում իր տարեկան զեկույցի ժամանակ հայտարարել էր, որ ապրիլի 18-ին ելույթ կունենա Եվրոխորհրդարանում։

«Վերջերս ես ստացել եմ Եվրոխորհրդարանի նախագահի հրավերը՝ ելույթ ունենալու Եվրոխորհրդարանում, ինչը չի եղել 2010 թվականից ի վեր։ Ապրիլի 18-ին ես ելույթ կունենամ Եվրոխորհրդարանում: Ես գիտեմ, որ հեշտ չի լինելու, բայց անհրաժեշտ է, որ Եվրոպան հասկանա և լսի մեր ժողովրդի ասելիքը»,- ասել է Զուրաբիշվիլին։

«Նախագահի դերը երկրի առջև դրանով չի ավարտվում։ Այսօր մենք կանգնած ենք ճգնաժամի առաջ, և այս պահին տրամաբանական է, որ երբ ժողովուրդն ու իշխանությունը դժվարանում են խոսել միմյանց հետ, նախագահի ինստիտուտը հավասարակշռող և միավորող սահմանադրական մարմինն է։ Նման իրավիճակում ես լիովին հասկանում եմ նախագահի ինստիտուտի ուժը, հաստատ գիտեմ, որ հիմա պառակտման ու բախումների ժամանակը չէ։ Մտադիր եմ ամբողջությամբ օգտագործել իմ բոլոր հնարավորությունները՝ հնարավորինս պաշտպանելու և իրականացնելու ժողովրդի կամքը»։

Մարտի 31-ին խորհրդարանում իր ելույթի ժամանակ Սալոմե Զուրաբիշվիլին խստորեն քննադատել էր «Վրացական երազանքին» և հայտարարել, որ կառավարությունը «վերջին տարիներին ձեռնարկված անհասկանալի քայլերով հակառակվում է երկրի արտաքին նպատակին և ժողովրդի մանդատին»։