Վրաստանի նախագահի աշխատակազմը հայտարարությամբ է արձագանքել Ադրբեջանի Հանրապետության նախագահ Իլհամ Ալիևի այցին: Նախագահ Սալոմե Զուրաբիշվիլին տեղեկացված չի եղել Ալիևի աշխատանքային այցի մասին։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
«Հարցի կարևորությունից ելնելով` տեղին ենք համարում հանրությանը տեղեկացնել, որ նախագահը տեղեկացված չի եղել մեր հարևան և բարեկամ երկրի նախագահ պարոն Իլհամ Ալիևի Վրաստան կատարած աշխատանքային այցի մասին։ Չնայած Վրաստանի նախագահի ցանկությանը և պատրաստակամությանը, ցավոք, նախագահների հանդիպումը չկայացավ, որն ավանդաբար անցկացվում է բոլոր պետությունների ղեկավարների՝ երկիր կատարած այցի ժամանակ»,- ասվում է նախագահի աշխատակազմի տարածած հաղորդագրության մեջ։
Սալոմե Զուրաբիշվիլին իր պատրաստակամությունն ու ցանկությունն է հայտնում մոտ ժամանակներս պաշտոնական այցով հյուրընկալել Իլհամ Ալիևին։
«Բռնապետության դրսևորում է, երբ իշխող կուսակցությունը նույնիսկ Վրաստանի նախագահին ոչ մի բանի տեղ չի դնում»,- այսպես է գնահատել «Ազգային շարժում» խմբակցության նախագահ Խատիա Դեկանոիձեն կառավարության գործողությունը։
«Սա կապված է այն բանի հետ, որ Վրաստանի նախագահի և իշխող քաղաքական ուժի ճանապարհները մի քանի ամիս է, ինչ տարբերվում են արտաքին քաղաքականության առնչությամբ։ Դա հատկապես նկատվում էր Ուկրաինայի հետ կապված, երբ Սալոմե Զուրաբիշվիլիի հայտարարությունները այնպես էին, ինչպես պետք է լինեին Վրաստան պետությունից։ Ընդհանրապես, ես սա համարում եմ բռնապետության դրսևորում, երբ իշխող կուսակցությունը նույնիսկ Վրաստանի նախագահին ոչ մի բանի տեղ չի դնում, իսկ Վրաստանի նախագահը դուրս է մնում նման կարևոր քննարկման փուլից, այդ թվում՝ երկկողմ համագործակցության փուլից։ Չմոռանանք 2020 թվականի քարոզարշավը «Գարեջին Վրաստան է» կարգախոսով, երբ քարոզչություն էր տարվում «Վրացական երազանքի» կողմից և օգտագործվում էր ռուսական «Էֆ Էս Բե»-ի հորինված քարտեզները։ Երբ այդ հարցը նույնիսկ նախագահ Ալիևի հետ չի քննարկվել, դա նշանակում է, որ նրանք շահագրգռված չեն Գարեջիով, նրանք շահագրգռված են միայն իշխանության պահպանմամբ»,- ասել է Խատիա Դեկանոիձեն։
«Վրացական երազանքից» մարդիկ խաղում են պետական կառույցներով: Ես չգիտեմ, թե ուրիշ ինչ անընդունելի քայլ կարելի է անել պետության և պետական կառույցների նկատմամբ, որ դրան հավասարվի։
Սա բացարձակապես անհավանական բան է։ Ինձ համար դժվար է պատկերացնել, եթե այս լուրերը թարգմանվեն, ինչպիսի տպավորություն պետք է թողնի այս իրավիճակը Ադրբեջանում կամ Վրաստանի որևէ այլ գործընկեր երկրում»,- ասել է «Լելո» կուսակցության պատգամավոր Աննա Նացվլիշվիլին։
Իլհամ Ալիևը հոկտեմբերի 24-ին մեկ օրով այցելել է Վրաստան։ Մինչ այդ Ալիևը վերջին անգամ Վրաստան էր այցելել 2015 թվականին: Ադրբեջանի նախագահին Մցխեթայի «Չատո Մուխրանիում» հյուրընկալել են Վրաստանի վարչապետ Իրակլի Ղարիբաշվիլին և արտաքին գործերի նախարար Իլիա Դարչիաշվիլին։