Սողանքների վտանգի պատճառով Ռիկոթիի ճանապարհով երթևեկությունն արգելված է

Ճանապարհային դեպարտամենտի նախագահ Գիորգի Ծերեթելիի խոսքով, մասնագետները վերահսկում են սողանքային տարածքը, և ճանապարհի բացումը կորոշվի նրանց առաջարկությունների համաձայն։

Սահմանափակումներ են գործում նաև Մցխեթա-Ստեփանծմինդա-Լարս ավտոճանապարհի Գուդաուրի (Փոստա)-Կոբի հատվածում, որտեղ ձյան պատճառով արգելված է կցորդով և կիսակցորդով տրանսպորտային միջոցների տեղաշարժը։ Արդեն մի քանի ժամ է, ինչ վերականգնվել է թեթև մեքենաների երթևեկությունը։

Բոլոր տեսակի տրանսպորտային միջոցների երթևեկությունը վերականգնվել է Կոդա-Փարցխիսի-Մանգլիսի-Ծալկա-Նինոծմինդա ավտոճանապարհի Փարվանայի լեռնանցքում, Զուգդիդի-Ջվարի-Մեստիա-Լասդիլ ավտոճանապարհի Կալա-Ուշգուլի հատվածում (միայն թեթև մեքենաների համար), Քութայիսի (Մոծամեթա)-Տղիբուլի-Ամբրոլաուրի մայրուղու Նաքերալայի լեռնանցքում:

Վրաստանում մինչև ապրիլի 2-ը սպասվում է եղանակի կտրուկ վատացում։ Օդի ջերմաստիճանը էապես կնվազի: Մարտի 31-ի և ապրիլի 1-ի գիշերային ժամերին հարթավայրում հնարավոր է ցրտահարություն։ Մարտի 30-ից ապրիլի 1-ը առանձին վայրերում սպասվում են առատ տեղումներ, լեռնային շրջաններում՝ ձյուն։ Առանձին շրջաններում հնարավոր է կայծակ և կարկուտ։