თბილისი-სენაკი-ლესელიძის საავტომობილო გზის 149-ე კილომეტრზე, გზის სიახლოვეს მეწყრული პროცესების განვითარების საშიშროების გამო, რიკოთის მონაკვეთზე (ახალსოფლის სატრანსპორტო კვანძი-ზესტაფონი) აკრძალულია ყველა სახის ავტოტრანსპორტის მოძრაობა. რიკოთის ნაცვლად, მსუბუქი ავტოტრანსპორტის მოძრაობა გომი-საჩხერე-ჭიათურის გზით ხორციელდება, სადაც რამდენიმეკილომეტრიანი საცობებია. მისაბმელიან და ნახევრადმისაბმელიან ავტოტრანსპორტს შემოვლით გზით მოძრაობა ეკრძალება.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
გზების დეპარტამენტის თავმჯდომარის გიორგი წერეთელის განცხადებით, სპეციალისტები მეწყრულ უბანს აკვირდებიან და გზის გახსნა მათი რეკომენდაციების მიხედვით გადაწყდება.
შეზრუდვები მოქმედებს მცხეთა-სტეფანწმინდა-ლარსის საავტომობილო გზის გუდაური(ფოსტა)-კობის მონაკვეთზეც, სადაც, თოვლის გამო, მისაბმელიანი და ნახევრადმისაბმელიანი ავტოტრანსპორტის გადაადგილება აკრძალულია. რამდენიმე საათია, რაც მსუბუქი ავტომობილების მოძრაობა აღდგა.
ყველა სახის ავტოტრანსპორტის მოძრაობა აღდგენილია კოდა-ფარცხისი-მანგლისი-წალკა-ნინოწმინდის საავტომობილო გზის ფარავნის უღელტეხილზე, ზუგდიდი-ჯვარი-მესტია-ლასდილის საავტომობილო გზის კალა-უშგულის მონაკვეთზე (მხოლოდ მსუბუქი ავტოტრანსპორტისთვის), ქუთაისი(მოწამეთა)-ტყიბული-ამბროლაურის საავტომობილო გზის ნაქერალას უღელტეხილზე.
საქართველოში 2 აპრილამდე ამინდის მკვეთრი გაუარესებაა მოსალოდნელი. ჰაერის ტემპერატურა მნიშვნელოვნად დაიწევს. 31 მარტის და 1-ელი აპრილის ღამის საათებში დაბლობსა და ბარში შესაძლებელია ყინვა. სინოპტიკოსები 30 მარტიდან 1-ელ აპრილამდე ნალექს, ზოგან ძლიერს, მაღალ მთაში კი თოვლს პროგნოზირებენ. ცალკეულ რეგიონებში შესაძლებელია ელჭექი და სეტყვა აღინიშნოს.
