Սոխումիում այսպես կոչված ընդդիմության ներկայացուցիչներն ու նրանց համախոհները գրավել են դե ֆակտո խորհրդարանը և նախագահի վարչակազմը, իսկ այնտեղ գտնվող «իրավապահները» լքել են շենքերը։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 5 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 6 Լարին դոլարի նկատմամբ արժեզրկվել է 2 թեթրիով, եվրոյի նկատմամբ՝ 4 թեթրիով
Ընդդիմության առաջնորդներից մեկը՝ Լևան Միկավան, նախագահի աշխատակազմի մեծ դահլիճում հայտարարել է, որ իրենք շենքում են մնալու այնքան ժամանակ, քանի դեռ Ասլան Բժանիան չի հեռացել իր պաշտոնից։
Բժանիան իր աշխատասենյակում չէ։ Այսպես կոչված նախագահի աշխատակազմի մամուլի ծառայությունը հայտարարել է, որ նա չի լքել Սոխումին և հանդիպումներ է անցկացնում ղեկավար անձանց հետ՝ իրավիճակը կայունացնելու նպատակով։ Բացի այդ, ըստ մամուլի ծառայության, փաստաթուղթ է նախապատրաստվում ռուս-աբխազական «Ներդրումային համաձայնագրի» վավերացման մասին օրենքի նախագիծը խորհրդարանից ետ կանչելու վերաբերյալ։
«Որոշումն ընդունվել է հանրապետությունում իրավիճակը կայունացնելու նպատակով»,- հայտնում է դե ֆակտո նախագահի մամուլի ծառայությունը։
Այսօր՝ նոյեմբերի 15-ին, Աբխազիայի այսպես կոչված խորհրդարանը պետք է քննարկեր Ռուսաստանի հետ ներդրումային նախագծերի իրականացման մասին ստորագրված համաձայնագրի վավերացման հարցը։ Ընդդիմության բողոքի արդյունքում այսպես կոչված պատգամավորները չեն կարողացել հաստատել նիստի օրակարգը։
«Ներդրումային պայմանագրին» դեմ արտահայտվողները ճեղքելով երկաթե ցանկապատը ներխուժել են խորհրդարանի տարածք, պաշարել կառավարական շենքերի համալիրը։ Ինչպես հայտարարել է այսպես կոչված ընդդիմությունը, ուժայինների ներկայացուցիչներն իրենց չեն դիմադրել, ինչը «ազգային շահերը պաշտպանելու հարցում աբխազական հասարակության միասնության հերթական ապացույցն է»։ Այսպես կոչված ընդդիմության ներկայացուցիչները պահանջել են կրկին խորհրդարանի նիստ հրավիրել և դեմ քվեարկել համաձայնագրի վավերացմանը։
