Սպանության մեջ մեղադրվողը Լագոդեխիում բերման ենթարկվելիս ինքնասպան է եղել

«2022 թվականի դեկտեմբերի 18-ին Թբիլիսիի ոստիկանության բաժնի գլխավոր քննչական վարչությունը հետաքննություն է սկսվել նույն օրը Թբիլիսիում տեղի ունեցած դիտավորյալ սպանության և վիրավորում հասցնելու փաստի առթիվ։ Քննությամբ պարզվել է, որ 1987 թվականին ծնված Գ.Ս.-ն իր հանցակից՝ 1989 թվականին ծնված Գ.Գ.-ի ներկայությամբ, փոխադարձ վիճաբանության ժամանակ կրակել է 1983 թվականին ծնված Լ.Ա.-ի գլխին, ով տեղում մահացել է, իսկ 1966 թվականին ծնված Զ.Գ․-ին վիրավորել է որովայնի շրջանում, որին տեղափոխել են հիվանդանոց։ Հանցագործությունը կատարելուց անմիջապես հետո երկու անձինք էլ դեպքի վայրից ավտոմեքենայով փախել են։ Հանցագործների գտնվելու վայրը պարզելու միջոցառումներին ներգրավվել են ոստիկանության Կախեթիի բաժնի աշխատակիցները, ովքեր նրանց գտնվելու վայրի մասին տեղեկություն ստանալու համար տարբեր հասցեներով հայտնվել են Լագոդեխիի մունիցիպալիտետում գտնվող Գ.Ս.-ի ազգականի տուն, որտեղ հայտնաբերել են Գ.Ս․-ին»։

Գ.Ս.-ն ոստիկաններին տեսնելուն պես հանել է հրազենը, նախ ուղղել ոստիկանների վրա, ապա դրել գլխին ու կրակել։ Նա տեղում մահացել է։ Նշված փաստին ականատես են եղել նույն տանը գտնվող Գ.Գ.-ն և ոստիկանության աշխատակիցները»,- ասվում է ՆԳՆ-ի հայտարարությունում։

Լագոդեխիի մունիցիպալիտետում տեղի ունեցած Գ.Ս.-ի ինքնասպանության գործի առնչությամբ հետաքննություն է սկսել Հատուկ քննչական ծառայությունը։

Իրավապահները դեկտեմբերի 18-ին Թբիլիսիում դիտավորյալ սպանության և վիրավորում հասցնելու փաստը կոծկելու մեղադրանքով ձերբակալել են 1989 թվականին ծնված Գ․Գ․-ին։