ՌԴ ԱԳ նախարար Սերգեյ Լավրովի հայտարարության վերաբերյալ «Վրացական երազանքի» խորհրդարանի փոխնախագահ Գիորգի Վոլսկին ասում է, որ այս փուլում «3+3» ձևաչափում ընդգրկվելը Վրաստանի համար ոչ քաղաքական, ոչ էլ տնտեսապես արդարացված չէ, թեև չի բացառում, որ ապագայում իրավիճակը կարող է փոխվել։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 5 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 6 Լարին դոլարի նկատմամբ արժեզրկվել է 2 թեթրիով, եվրոյի նկատմամբ՝ 4 թեթրիով
Երեկ՝ փետրվարի 19-ին, Պետդումայում ունեցած ելույթի ժամանակ Լավրովը կրկնել է, որ «3+3» ձևաչափում Վրաստանի համար «դուռը բաց է», իսկ «աթոռը դրված է»։
«Ինչ այս միտքն առաջացավ, որ 3+3 ձևաչափ կա, որին մասնակցում է մի կողմից Իրանը, Թուրքիան, Ռուսաստանը և մյուս կողմից Կովկասի երեք երկրները` Ադրբեջանը, Հայաստանը, և սա տնտեսական հարաբերությունների որոշակի նոր ձևաչափ է ստեղծում, ապա խոսվում է այն մասին, որ այսօր կամ վաղը Վրաստանը կընդգրկվի այս ձևաչափի մեջ, այն դեպքում, երբ ներքին հարաբերությունները դեռ չեն լուծվել: Օրինակ՝ Հայաստանի և Ադրբեջանի միջև այսօր բավականին լարված իրավիճակ է, և ապագայում մենք աղոթում ենք, որ դա չվերաճի ռազմական առճակատման։ Չկան սովորական հարաբերություններ Թուրքիայի և Ռուսաստանի, կամ Իրանի միջև։
Մի խոսքով, այս հարցը չի բարձրացվել այնպիսի մակարդակի, որ Վրաստանը շահագրգռված լինի մասնակցել թե՛ քաղաքական, թե՛ տնտեսական առումով: Աշխարհում տեղի ունեցող գործընթացները որոշում են Վրաստանի ապագա դիրքորոշումը։
Վրաստանի, մեր կառավարության համար կարևոր է, որ ոչ մի դեպքում չվնասվեն նրա քաղաքական իմիջը, արտաքին քաղաքականությունը, տնտեսական շահերը։ Հետևաբար,
ապագայում ինչ-որ բան կարող է հայտնվել։ Սակայն այս փուլում չկա որևէ բան, որը կարծես թե արդարացնի մեր ներգրավվածությունն այս ձևաչափին՝ թե՛ քաղաքական, թե՛ տնտեսական առումով: Այնպես որ, սպասենք գործընթացներին։
Վրաստանը, ցավոք, չունի այն ռեսուրսները, որոնք կազդեն համաշխարհային գործընթացների վրա, բայց մենք ճիշտ քաղաքականություն ենք ընտրել և մեր երկրում կայունությունը պահպանել ենք մինչ օրս»,- ասել է Վոլսկին։
«3+3» (Ադրբեջան, Վրաստան, Հայաստան, Թուրքիա, Ռուսաստան, Իրան) ձևաչափով տարածաշրջանային համագործակցության հարթակի ստեղծումը Ադրբեջանի և Թուրքիայի նախագահներ Իլհամ Ալիևի և Ռեջեփ Թայիփ Էրդողանի նախաձեռնությունն էր։ Առաջին հանդիպումը տեղի է ունեցել 2021 թվականի դեկտեմբերին Մոսկվայում, որին մասնակցել են երկրների փոխարտգործնախարարները։ Դրանից հետո հանդիպումներ են անցկացվել Ստամբուլում և Թեհրանում։ Վրացական կողմը հրաժարվում է մասնակցել Ռուսաստանի հետ համատեղ ձևաչափին, քանի դեռ Ռուսաստանը օկուպացված է պահում Վրաստանի 20%-ը։
