Անհայտ անձինք երեկ հարձակվել և ծեծի են ենթարկել «Միացյալ ազգային շարժում» կուսակցության տնտեսական ծառայության աշխատակից Դավիթ Օսիկմաշվիլիին։ Այս մասին տեղեկությունը տարածել են կուսակցության նախագահ Լևան Խաբեիշվիլին և Թբիլիսիի քաղաքային խորհրդի խմբակցության ղեկավար Իրակլի Նադիրաձեն։ Նադիրաձեի խոսքով՝ Դավիթ Օսիկմաշվիլին ստիպված է եղել վիրահատվել «Վիվամեդ» կլինիկայում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Նա քթի կոտրվածք ունի, ուղեղի ցնցում, որքան գիտեմ։ Կարող է նաև դեմքի ոսկորների կոտրվածք ունենալ: Այս անձը «Միացյալ ազգային շարժման» տնտեսական աշխատակից է, այդ թվում՝ հանրահավաքների, ակցիաների, կազմակերպչական տարբեր հարցերի կազմակերպիչներից է։
Կուսակցության գրասենյակից տուն գնալիս տուն հասնելուն պես կանգնեցրել է մեքենան, իսկ տուն մտնելիս նրան դիմավորել են երկու հոգի, ովքեր նրան սպասել են մոտ մեկ ժամ ու թիկունքից հարձակվել են նրա վրա։ Կատարվածը բազմաթիվ ականատեսներ ունի։ Հարվածել են գլխին, ցած գցել, առանց որևէ բառ ասելու անխնա ծեծել ու փախել»,- ասել է Նադիրաձեն «Պիրվելի» հեռուստաընկերության եթերում։
Իրակլի Նադիրաձեի խոսքով՝ Դավիթ Օսիկմաշվիլիի դեմ հաշվեհարդարը կապ ունի վերջինիս քաղաքական ու կուսակցական գործունեության հետ։
«Այս անձը որևէ մեկի հետ կոնֆլիկտ չի ունեցել։ Կատարվածի մասին տեղեկացանք հենց այն բանից հետո, երբ հարձակման էր ենթարկվել նաև «Ֆորմուլա» հեռուստաընկերության հիմնադիրներից Միշա Մշվիլդաձեն։ Նույն ձեռագիրն է։ Ռուսաստանում հենց այդպես են վարվում պուտինիստները, երբ հարձակվում են լրագրողների, հասարակական կազմակերպությունների, կուսակցությունների ներկայացուցիչների վրա։ Սա նպատակաուղղված արշավ է։ Նրանք գիտեն, որ այլևս չունեն ժողովրդի աջակցությունը և միայն սպառնալիքների ու բռնությունների վրա են իրենց հույսը դրել»,- ասել է Նադիրաձեն։
Հունիսի 27-ին Թբիլիսիում հարձակման է ենթարկվել «Ֆորմուլա» հեռուստաընկերության հիմնադիրներից ու հաղորդավարներից Միշա Մշվիլդաձեն։ Ներքին գործերի նախարարությունը երկու դեպքով էլ հետաքննություն է սկսել քրեական օրենսգրքի 126-րդ հոդվածով, որը վերաբերում է բռնությանը։
