Ստամբուլում գտնվող կաթոլիկ եկեղեցու վրա հարձակման գործով ձերբակալվել են Ռուսաստանի և Տաջիկստանի քաղաքացիներ։ Ըստ թուրքական իշխանությունների՝ ձերբակալվածները կապեր ունեն «Իսլամական պետություն» ահաբեկչական կազմակերպության հետ։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
Տեղական ժամանակով ժամը 11:40-ին երկու զինված և դիմակավորված անձինք ժամերգության ժամանակ կրակ են բացել Սարիերի շրջանի Սուրբ Մարիամի անվան 19-րդ դարի եկեղեցում։ Մեկ մարդու սպանելուց հետո նրանք լքել են եկեղեցին։ Սպանվածը 52-ամյա տղամարդ է։
Թուրքիայի ներքին գործերի նախարար Ալի Երլիքայայի խոսքով՝ ոստիկանությունը ստուգայց է կատարել ավելի քան 30 վայրերում և ձերբակալել 47 մարդու։ Նրա խոսքով՝ հարձակման մեջ կասկածվողները ձերբակալվել են վերջին ստուգայցերից մեկի ժամանակ։
«Սպանության մեջ կասկածվող երկու անձ ձերբակալվել է։ Երկուսն էլ այլ երկրների քաղաքացիներ են։ Մեկը Տաջիկստանից է, մյուսը՝ Ռուսաստանից։ Մենք կարծում ենք, որ նրանք կապված են «Իսլամական պետության» հետ»,- ասել է նախարարը։
Օտարերկրյա լրատվամիջոցների փոխանցմամբ՝ միջադեպի պատասխանատվությունը ստանձնել է «Իսլամական պետությունը»։ Telegram-ի ալիքներից մեկի հայտարարության համաձայն՝ սպանությունն իրականացվել է ի պատասխան խմբավորման առաջնորդի՝ քրիստոնյաների ու հրեաների վրա հարձակվելու կոչին։
Հռոմի Ֆրանցիսկոս պապը Վատիկանում ամենշաբաթյա պատարագի ժամանակ արձագանքել է միջադեպին և իր համերաշխությունը հայտնել Սուրբ Մարիամ տաճարի ծխականներին։
