Թբիլիսիում տղամարդը սպանել է նախկին կնոջը և մարմինը գցել ձորը. ՆԳՆ

ՆԳՆ-ի տեղեկություններով՝ մեղադրյալն իր ավտոմեքենայում, փոխադարձ վիճաբանությունից հետո, պարանով խեղդել է նախկին կնոջը՝ 1996 թվականին ծնված Մ.Մ.-ին։ Հետաքննությամբ պարզվել է, որ հանցագործությունը կոծկելու նպատակով հաջորդ օրը մեղադրյալը դիակը տեղափոխել է վարձակալած մեքենայի բեռնախցիկ, տեղափոխել Գլդանիի բանտի հարակից տարածք և գցել ձորը։

Մեղադրյալը ձերբակալվել է քրեական օրենսգրքի 11 պրիմա 109-րդ հոդվածով, որը վերաբերում է ընտանիքի անդամի դիտավորությամբ սպանությանը։ Հանցագործությունը պատժվում է 16-ից 20 տարի ժամկետով կամ ցմահ ազատազրկմամբ։

Անցյալ տարի Վրաստանում սպանվել է 21 կին, կատարվել է 19 սպանության փորձ։ 2014-2022 թվականներին գրանցվել է 186 կանանց սպանության դեպք։ Ընտանեկան պատճառներով սպանվել է 92 կին, այլ պատճառներով՝ 94։ Նույն ժամանակահատվածում գրանցվել է կանանց սպանության փորձի 129 դեպք, որից 79-ը՝ ընտանեկան, 50-ը՝ այլ պատճառներով։