თბილისში კაცმა ყოფილი ცოლი გაგუდა და ცხედარი ხევში გადააგდო - შსს

შინაგან საქმეთა სამინისტროს ინფორმაციით, ბრალდებულმა საკუთარ ავტომობილში, ურთიერთშელაპარაკების ნიადაგზე, ყოფილი ცოლი, 1996 წელს დაბადებული მ.მ. თოკით გაგუდა. გამოძიებამ დაადგინა, რომ ბრალდებულმა დანაშაულის დაფარვის მიზნით, ცხედარი, მეორე დღეს ნაქირავები ავტომობილის საბარგულში მოათავსა, გლდანის ციხის მიმდებარე ტერიტორიაზე მივიდა და ხევში გადააგო.

დაკავებული სისხლის სამართლის კოდექსის 11 პრიმა 109-ე მუხლით დააკავეს, რაც ოჯახის წევრის მიმართ ჩადენილ განზრახ მკვლელობას გულისხმობს. დანაშაული 16-დან 20 წლამდე ან უვადო თავისუფლების აღკვეთით ისჯება.

გასულ წელს საქართველოში 21 ქალი მოკლეს, 19-ის მკვლელობა სცადეს. 2014-2022 წლებში, ჩადენილია 186 ქალის მკვლელობა. ოჯახური ნიშნით 92 ქალი მოკლეს, ხოლო სხვა მოტივით - 94. ამავე პერიოდში რეგისტრირებულია ქალის მკვლელობის მცდელობის 129 შემთხვევა, მათ შორის, ოჯახური ნიშნით - 79, ხოლო სხვა მოტივით - 50