Թել Ավիվի Յաֆայի տարածքում երկաթուղային կայարանի վրա հարձակման հետևանքով զոհվել է Վրաստանի քաղաքացի։ Երեկ՝ հոկտեմբերի 1-ին, երկու զինված անձինք կրակ են բացել անցորդների վրա և սառը զենքերով հարձակում իրականացրել՝ սպանելով առնվազն 7 մարդու։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 4 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 5 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 6 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
«Իսրայելում Վրաստանի դեսպանությունը հաստատում է հոկտեմբերի 1-ին տեղի ունեցած ահաբեկչության հետևանքով Վրաստանի մեկ քաղաքացու մահը։ Դեսպանությունն աշխատում է Իսրայելի համապատասխան կառույցների հետ՝ զոհված հայրենակցին Վրաստան վերադարձնելու հնարավորության շուրջ, ինչը, բնականաբար, որոշակի ժամանակ է պահանջում՝ հաշվի առնելով նրա մահվան հանգամանքները»,- հայտնել են Վրաստանի ԱԳՆ-ից։
Արտաքին գործերի նախարարությունը իր ցավակցությունն է հայտնում զոհվածի ընտանիքին, ինչպես նաև Իսրայելի կառավարությանը և Իսրայելի ժողովրդին։
Վրաստանը դատապարտում է ահաբեկչության ցանկացած դրսևորում»,- ասվում է հայտարարության մեջ։
Իսրայելի ոստիկանության տվյալներով՝ հրաձգությունը սկսվել է երկաթուղային վագոնում և շարունակվել հարթակի վրա։ Բացի մահացածներից, կան նաև վիրավորներ, որոնցից երեքի վիճակը ծանր է։
Ոստիկանության տվյալներով՝ երկու հարձակվողներին էլ «վնասազերծել» են շրջապատող մարդիկ։ Որպես հանցագործության դրդապատճառ նշվում է ահաբեկչությունը։
Լրատվամիջոցների տվյալներով՝ Յաֆայում հրաձգությունը տեղի է ունեցել Իսրայելի դեմ Իրանի կողմից հրթիռային հարձակման մեկնարկից քիչ առաջ։
