Վրաստանի վարչապետ Իրակլի Կոբախիձեն հայտարարում է, որ այսպես կոչված օտարերկրյա գործակալների մասին ռուսական օրենքի մասին խոսելիս ԵՄ հանձնակատարներից մեկը սպառնացել է իրեն։ Մասնավորապես, Կոբախիձեի խոսքով՝ իրեն հիշեցրել են օրեր առաջ հարձակման ենթարկված Սլովակիայի վարչապետ Ռոբերտ Ֆիցոյի մասին։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
«Հասարակությունը հետևում է թափանցիկության մասին օրենքի շուրջ զարգացումներին և տեսնում է, որ մի շարք բարձրաստիճան օտարերկրյա քաղաքական գործիչներ չեն խուսափում նույնիսկ բացահայտ շանտաժից վրաց ժողովրդի և նրա ընտրած կառավարության դեմ։ Սակայն նույնիսկ տևական շանտաժի ֆոնին զարմանալի էր սպառնալիքը, որը հնչեց եվրահանձնակատարներից մեկի հետ հեռախոսազրույցի ժամանակ։
Մասնավորապես, ինձ հետ զրույցում եվրահանձնակատարը թվարկեց մի շարք միջոցներ, որոնք կարող են ձեռնարկել արևմտյան քաղաքական գործիչները թափանցիկության օրենքի վրա վետոն հաղթահարելուց հետո, և այդ միջոցները թվարկելիս նշեց՝ «տեսա՞ք ինչ տեղի ունեցավ Ֆիցոյի հետ, շատ զգույշ եղեք»:
Երբ թափանցիկության մասին օրենքի հետ կապված շանտաժի համատեքստում նշում են օրեր առաջ ահաբեկչության ենթարկված Սլովակիայի վարչապետին, ով այս պահին բուժման կուրս է անցնում, դա մեզ համար չափազանց մտահոգիչ է»,- ասում է Կոբախիձեն։
Վարչապետն ասում է, որ Սլովակիայի վարչապետի վրա հարձակման հետևում «նախնական տեղեկատվությունը» մատնանշում է «երկրներից մեկի հատուկ ծառայությունների հետքը, որը հատկապես սերտորեն կապված է գլոբալ պատերազմի կուսակցության հետ»։
«Կանխարգելման նպատակով ես ինձ պարտավոր էի համարում այդ սպառնալիքի մասին տեղեկատվություն տրամադրել վրաց հասարակությանը։ Ռոբերտ Ֆիզոյի սպանության փորձի հետ անցկացված զուգահեռը մեզ հիշեցնում է, որ ի դեմս գլոբալ պատերազմի կուսակցության, մենք գործ ունենք չափազանց վտանգավոր ուժի հետ, որը ամեն ինչ կանի Վրաստանում քաոս մտցնելու համար»,- ասում է Կոբախիձեն։
Եվրահանձնաժողովում կա 27 հանձնակատար։ Նրանք ներկայացնում են ԵՄ անդամ երկրները և պատասխանատու են կոնկրետ ոլորտների համար: Թե որ եվրահանձնակատարին է սպառնալիքի մեջ մեղադրում Վրաստանի վարչապետը՝ հայտնի չէ։
