Վրաստանի նախագահ Սալոմե Զուրաբիշվիլին դիմել է Ռուսթավելիի պողոտայում հավաքված քաղաքացիներին։ Ելույթի ժամանակ, որը հավանաբար հետաձգվել էր արհեստականորեն ստեղծված տեխնիկական խնդրի պատճառով, Զուրաբիշվիլին ասել է, որ Օրբելիանիի պալատում սպասում է «Վրացական երազանքի» պատվավոր նախագահ Բիձինա Իվանիշվիլիին, որպեսզի խոսի նոր խորհրդարանական ընտրությունների նշանակման մասին։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
«Սա շատ խորհրդանշական վայր է, որտեղ ես հիմա կանգնած եմ, ձեր առջև. այստեղ՝ այս դպրոցում, սովորել է հայրս, իմ հետևում Իլիան և Ակակին նայում են մեզ, և նրանք նայում են նոր Վրաստանին, որն արդեն ծնվել է։ Ձեզնով, որը վաղը, մյուս օրը կլինի շատ ուժեղ և եվրոպական Վրաստան: Ոչ ոք չի կարող կանգնեցնել սա։
Ճիշտ է, դուք այստեղ «մի 300 հոգի» եք։ Ճիշտ է, մեզ խանգարեցին բեմի կամ խոսափողի համար՝ այն ամենը, ինչ հնարավոր էր և երկու անգամ։ Ճիշտ է, ինձ խոստացել են, որ շուտով հայտնվելում եմ ճաղերի ետևում, բայց մենք մի՞ թե վախենում ենք։ Մենք չենք վախենում, քանի որ այստեղ տիրում է միայն սերը։ Ամեն ոք, ով ասում է, որ ինչ-որ մեկի հետ կոնֆլիկտ է ծնվում այստեղ, բազում ստերի մեջ հերթական սուտն է։ Այստեղ տիրում է միայն խաղաղությունը, սերն ու ազատությունը։
Այսօր բազմաթիվ երթերի մեջ կար մի շատ կարևոր մեկը, որը «Անծուխելիձեի երթն» էր, և ես հենց Անծուխելիձեի առջև եմ պարտավոր, դուք եք պարտավոր՝ հավատարիմ լինել Վրաստանին, որի համար նա տվել է իր կյանքը...
Անծուխելիձեի հետ կան բազմաթիվ հերոսներ, որոնց շնորհիվ մենք կանգնած ենք այստեղ, այլապես չէինք լինի, չէր լինի Վրաստանը, բայց Վրաստանը երբեք չի հարմակերպվում, երբեք չի հանձնվում, երբ ճիշտ է։ Իսկ Վրաստանը ճիշտ է, դուք ճիշտ եք։
Ես ուզում եմ ձեզ ասել, թե ինչ ենք անելու, առաջին հերթին ես ինչ եմ անելու։
Ես հավատարիմ եմ մնում երկրին, Սահմանադրությանը, որի առաջ երդվել եմ վեց տարի առաջ։ Այս սահմանադրությունը, որը ոտնահարեցին, կանգնած է այնպես, ինչպես Վրաստանն է, և ես կարող եմ միայն շարունակել և հավատարիմ լինել դրան։
Ես հավատարիմ եմ լինելու վրացական բանակին, վետերաններին, ովքեր այսօր եկել են այստեղ, և այն բանակին, որը պաշտպանում է Վրաստանը, որն ինքը հավատարիմ է վրացական բանակը ստեղծած, վերազինած և հզորացնող գործընկերներին։ Ես կամ և կլինեմ դրա գերագույն գլխավոր հրամանատարը։
Ես հավատարիմ եմ և կլինեմ այստեղ կանգնած մարդկանց, բայց ոչ միայն այս մարդկանց։ Ոչ ոք չպետք է մտածի, որ ես բոլորի նախագահը չեմ․ ես կամ և կլինեմ»,- ասել է Սալոմե Զուրաբիշվիլին, ինչից հետո անջատվել է խոսափողը։ Նա ելույթը շարունակել է մեգաֆոնով։
Ինչպես ասել է Սալոմե Զուրաբիշվիլին, վաղը երեկոյան Օրբելիանիի պալատից նա հանդես կգա իր ուղերձով։ «Ոչ միայն բեմը, այլև ձայնս, ըստ երևույթին, առևանգել են»,- նշել է նա։
Նախագահ Զուրաբիշվիլին հայտարարել է, որ խորհրդարանական ընտրությունները «ոչ միայն չեն կայացել», այլև «ոչ ոքի կողմից ճանաչված չեն», իսկ Վրաստանն ունի «ոչ լեգիտիմ, հակասահմանադրական իշխանություն»։
«Յուրաքանչյուր ժողովրդավարական երկրում, որը ցանկանում է քաղաքական ճանապարհով դուրս գալ խորը ճգնաժամից, գոյություն ունեն նոր ընտրություններ։
Ուստի ես, ով այստեղ եմ լինելու, հրավիրում եմ Իվանիշվիլիին, հրավիրում եմ նրա կուսակցությանը... Կոբախիձեին, Պապուաշվիլիին և բոլորին... Ես հրավիրում եմ ընտրություններին մասնակցած կուսակցություններին և հրավիրում եմ ընտրությունների դիտորդական կազմակերպություններին։ Եկե՛ք Օրբելիանիների պալատ։ Եկե՛ք խոսենք։ Սակայն միայն մեկ բան կա խոսելու՝ երբ և ինչպես նշանակել ընտրություններ։ Այս բանակցությունների համար քիչ ժամանակ կա։
Ովքեր որ ուզում են, որ այս երկրում ամեն ինչ լավ ավարտվի, թող գան պալատ։
Թող Իվանիշվիլին գա, քանի որ նա է ամեն ինչ տնօրինում։ Ես պատրաստ եմ նստել նրա հետ և մտածել, թե ինչպես պետք է նշանակվեն ընտրությունները։ Սակայն ընտրությունների ամսաթիվը պետք է համաձայնեցվի մինչև դեկտեմբերի 29-ը։
Մինչև 29-ը մենք բոլորս ունենք այս երկիրը առաջ տանելու մեծ հնարավորություն, որպեսզի ժողովրդավարության, հաշտեցման, առաջընթացի օրինակը այս երկրից հասնի ամբողջ աշխարհին։ Սպասում եմ պատասխանի»,- ասել է Զուրաբիշվիլին։
Տասնյակ հազարավոր մարդիկ այսօր հավաքվել էին Ռուսթավելի պողոտայում և պահանջելում էին նոր ընտրություններ։
Սալոմե Զուրաբիշվիլիի ելույթը, որը պետք է տեղի ունենար խորհրդարանի շենքի դիմաց ժամը 21:00-ին, 50 րոպե ուշացումով սկսվեց Առաջին գիմնազիայի դիմաց։ ՆԳՆ-ը թույլ չի տվել խորհրդարանի դիմաց բեմ տեղադրել։ Բացի այդ, ակտիվիստներն ասել են, որը բեմը և տեխնիկական սարքավորումները Ռուսթավելիի պողոտա տեղափոխող մեքենային ոստիկանները կանգնեցրել են և տեղափոխել այլ վայր։ Զուրաբիշվիլիի ելույթի համար անհրաժեշտ տեխնիկան երկրորդ մեքենայով և քաղաքացիների օգնությամբ բերվել է Ռուսթավելիի պողոտա։
