Թրամփը շնորհավորել է Կավելաշվիլիին Անկախության օրվա կապակցությամբ․ Կավելաշվիլիի մամուլի ծառայություն

«Իմ վարչակազմը հանձնառու է Վրաստանի կառավարության հետ խաղաղ և արդյունավետ հարաբերությունների ամրապնդմանը։ Ես անհամբեր սպասում եմ մեր երկրների միջև տնտեսական կապերի խորացմանը՝ արդար առևտրի աջակցման և երկկողմ համագործակցության շրջանակների ընդլայնման միջոցով։

Ես անկեղծորեն շնորհավորում եմ վրաց ժողովրդին այս կարևոր ամսաթվի կապակցությամբ, որը արտացոլում է երկրի ականավոր և բազմազան պատմությունը», - ասվում է շնորհավորական նամակում, որի բովանդակությունը վրացերենով հրապարակվել է Միխեիլ Կավելաշվիլիի մամուլի ծառայության կողմից։

Մայիսի 26-ին Վրաստանը նշեց իր առաջին անկախ ժողովրդավարական հանրապետության հռչակման 107-ամյակը և անկախության վերականգնման 34-ամյակը։ ԱՄՆ պետքարտուղար Մարկո Ռուբիոն շնորհավորական նամակ է հղել Վրաստանին վրաց ժողովրդի անունով։ «Ամերիկայի Միացյալ Նահանգների անունից շնորհավորում եմ վրաց ժողովրդին Անկախության օրվա կապակցությամբ։

Ավելի քան երեսուն տարի մեր ազգերի միջև բարեկամությունն ու գործընկերությունը կառուցվել են ժողովրդավարության, ինքնիշխանության և ավելի լավ ապագայի ձգտման ընդհանուր արժեքների վրա։ Այս օրը մենք նշում ենք վրաց ժողովրդի ուժը, դիմացկունությունը և անսասան կապերը։ Վրաց ժողովրդի սերն ու նվիրվածությունը ազատությանն ու անկախությանը ոգեշնչող են։ Միացյալ Նահանգները շարունակում է հավատարիմ մնալ այնպիսի գործընկերությանը, որը համապատասխանում է Վրաստանի անվտանգ և բարգավաճ ապագայի ձգտումներին»։

«Պարզ դարձավ, որ «դիփ սթեյթը» Պետդեպարտամենտի գծում առավելություն ունի, և մեր ընդունած ակտերը արտացոլում են դա։ «Դիփ սթեյթը» մոլեգնում է, մենք դա տեսնում ենք։ Եթե «դիփ սթեյթը» պետք է որոշի ամերիկյան շնորհավորանքները, դա մեզ համար արժեք չունի։ Սա մի համակարգ է, որն ամբողջությամբ խճճված է բյուրոկրատիայի մեջ։ Պայքար է ընթանում», - այսպես է Ռուբիոյի շնորհավորանքին արձագանքել «Վրացական երազանքի» վարչապետ Իրակլի Կոբախիձեն։