Թուրքիայի Հանրապետության պատմության մեջ առաջին անգամ Ստամբուլում ուղղափառ եկեղեցի է կառուցվել

2019 թվականին Թուրքիայի նախագահ Ռեջեփ Թայիփ Էրդողանի մասնակցությամբ տեղի է ունեցել Սուրբ Եփրեմի տաճարի կառուցման բացման արարողությունը։ Բացումից հետո այն կծառայի ասորական համայնքին, որը, տարբեր տվյալներով, միայն Ստամբուլում կազմում է է շուրջ 17-18 000 մարդ։

Ստամբուլի ասորական հիմնադրամի նախագահ Սեյթ Սուսինն ասում է, որ 1844 թվականին Թարլաբաշ թաղամասում կառուցված եկեղեցին չի բավարարում Ստամբուլում ապրող ասորիների կարիքները, ուստի նրանք փորձել են աղոթել բարեկամ կրոնական խմբերի վեց տարբեր եկեղեցիներում, սակայն դա դժվարություններ է ստեղծել՝ ծիսակատարությունների և ժամանակների տարբերությունների պատճառով:

«Այս անհրաժեշտությունից ելնելով, մենք կառավարությանը խնդրեցինք առանձին վայր հատկացնել եկեղեցին կառուցելու համար»,- ասել է Սեյտ Սուսինը։ «Ստամբուլի նախկին քաղաքապետն աջակցել է դրան և տարածք հատկացրել լատինական կաթոլիկ գերեզմանատանը։ Եկեղեցին կառուցվել է ոչ թե գերեզմանների, այլ 2700 քմ դատարկ տարածքի վրա։ Սա առաջին դեպքն է հանրապետության պատմության մեջ, երբ եկեղեցին պաշտոնապես է կառուցվում։ Մենք շատ հպարտ ենք։ Մենք երախտապարտ ենք պետական ​​կառույցներին և, առաջին հերթին նախագահին՝ առանց Ռեջեփ Թայիփ Էրդողանի աջակցության, դա հնարավոր չէր լինի»։

Եկեղեցու կառուցումն արժեցել է մոտ 4 միլիոն ԱՄՆ դոլար։ Նրա ճարտարապետությունը ժամանակակից և Մարդին նահանգի հին ասորական վանական ճարտարապետության միաձուլումն է:

2010 թվականից ասորական համայնքը պահանջում է տարածք հատկացնել եկեղեցու կառուցման համար՝ հիմնականում Ստամբուլի Յեսիլքոյ, Բաքըրքյոյ և Ֆլորիա թաղամասերում, որտեղ ասորիները խիտ բնակեցված են։

2020 թվականի հուլիսին Թուրքիայի Պետխորհրդի որոշմամբ չեղարկվել է 1934 թվականին Ստամբուլի Այա Սոֆիայի տաճարին տրված թանգարանի կարգավիճակը, և 86 տարվա մեջ առաջին անգամ մահմեդականներն այնտեղ ուրբաթօրյա աղոթք են կատարել։ Աղոթքի ժամանակ տաճարի քրիստոնեական որմնանկարներն ու խճանկարները ծածկվում են վարագույրով։ Այնուամենայնիվ, զբոսաշրջիկներին կրկին թույլատրվում է մուտք գործել Այա Սոֆիա։