Թուրքիայում և Սիրիայում տեղի ունեցած ավերիչ երկրաշարժից հետո երրորդ օրը զոհերի թիվը գերազանցել է 8 700-ը։ Թուրքիայի Արտակարգ իրավիճակների կառավարման գործակալության փետրվարի 8-ին թարմացված թվերի համաձայն՝ Թուրքիայում առնվազն 6 234 մարդ է զոհվել, 37 011-ը՝ վիրավորվել։ ԶԼՄ-ների տվյալներով՝ Սիրիայում զոհվել է 2 470 մարդ, վիրավորվել՝ 4 654-ը, այս պահին երկու երկրներում անհետ կորած է համարվում 7 926 մարդ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Թուրքիայի փոխնախագահ Ֆուաթ Օքթայի խոսքով՝ փրկարարներին հաջողվել է փլատակների տակից դուրս բերել ավելի քան 8 000 մարդու։ Մոտ 380 հազար քաղաքացի մնում է անօթևան: Նրանցից ոմանք տեղափոխվել են կառավարության տրամադրած ապաստարաններ և հյուրանոցներ, իսկ մյուսները ապաստանել են առևտրի կենտրոններում, մարզադաշտերում, մզկիթներում, համայնքային կենտրոններում և գնացքներում:
Արտակարգ իրավիճակների կառավարման ծառայության տվյալներով՝ ստացվել է շենքերի փլուզման 11 342 հաղորդում, որից 5 775-ն արդեն հաստատված է։
Թուրքիայի նախագահ Ռեջեփ Թայիփ Էրդողանը փետրվարի 7-ին եռամսյա արտակարգ դրություն է հայտարարել երկրաշարժից տուժած Քահրամանմարաշ, Գազիանթեփ, Շանլըուրֆա, Դիարբեքիր, Ադանա, Ադյաման, Օսմանիե, Հաթայ, Քիլիս և Մալաթիա նահանգներում։
Վերջին երեք օրվա ընթացքում Թուրքիայի սեյսմիկ մոնիտորինգի կենտրոնը Թուրքիայի տարածքում ավելի քան 310 երկրաշարժ է գրանցել։ Առաջին և ամենահզոր երկրաշարժը տեղի է ունեցել փետրվարի 6-ին, առավոտյան ժամը 4:17-ին։ Երկրաշարժի ուժգնությունը կազմել է 7,7 մագնիտուդ, իսկ ԱՄՆ Երկրաբանական ծառայության տվյալներով՝ ցնցումների ուժգնությունը կազմել է 7,8 մագնիտուդ։ Փետրվարի 6-ին, ժամը 13:24-ին տեղի է ունեցել 7,6 մագնիտուդ ուժգնությամբ ևս մեկ երկրաշարժ։
Թուրքիայում շարունակվող փրկարարական գործողությանը մասնակցում է 79 110 թուրք և օտարերկրյա փրկարար։ Երկրաշարժից հետո երրորդ օրը ավերակներում ողջ մնացածներ գտնելու հավանականությունը նվազում է։
Երկրաշարժի հետևանքով զոհվել է Վրաստանի երկու քաղաքացի, վեցը համարվում են անհետ կորած։
