თურქეთსა და სირიაში მომხდარი დამანგრეველი მიწისძვრიდან მესამე დღეს მსხვერპლის რაოდენობამ 8700-ს გადააჭარბა. თურქეთის საგანგებო სიტუაციების სამმართველოს მიერ 8 თებერვალს განახლებული მონაცემებით, თურქეთში სულ მცირე 6234 ადამიანია დაღუპული, 37 011 დაშავებულია. მედიის ინფორმაციით, სირიაში დაღუპულია - 2470 ადამიანი, დაშავებულია 4654. ამ დროისთვის ორივე ქვეყანაში დაკარგულად ითვლება 7926 ადამიანი.
ახალი ამბები
მკითხველის რჩეული
- 1 ეს არის ღალატი, ამ კანონით ეს ქვეყანა თქვენ მიგყავთ რუსეთისკენ - ეთერ თურაძე შალვა პაპუაშვილს
- 2 სტიგმატიზება საბედისწერო შეიძლება იყოს ადამიანების სიცოცხლისთვის - ზენონი რუსულ კანონზე
- 3 ქართველი ხალხის მომავალი სასწორზეა - 12 ქვეყნის საგარეო კომიტეტები რუსულ კანონზე
- 4 სომხური მედია საზღვრისპირა სოფელ ჯილიზას საქართველოსთვის გადაცემაზე წერს
- 5 სასამართლომ ანტიკორუფციულ ბიუროს სანქცირებული მოსამართლეების ქონების შემოწმება აუკრძალა
- 6 საქართველო შესაძლოა კანდიდატის სტატუსამდე პოზიციებს დაუბრუნდეს - ევროპარლამენტარები
თურქეთის ვიცე-პრეზიდენტის, ფუატ ოქტაის ინფორმაციით, მაშველებმა ნანგრევებიდან 8000-ზე მეტი ადამიანის გამოყვანა შეძლეს. დაახლოებით 380 000 მოქალაქე უსახლკაროდ არის დარჩენილი. მათი ნაწილი მთავრობის მიერ მოწყობილ თავშესაფრებსა და სასტუმროებშია გადაყვანილი, ნაწილი კი თავს სავაჭრო ცენტრებს, სტადიონებს, მეჩეთებს, საზოგადოებრივ ცენტრებს და მატარებლებს აფარებს.
საგანგებო სიტუაციების მართვის სამსახურის ცნობით, შეტყობინება 11 342 შენობის დანგრევის შესახებ მიიღეს, რომელთაგან 5775 უკვე დადასტურებულია.
7 თებერვალს, თურქეთის პრეზიდენტმა რეჯეფ თაიფ ერდოღანმა მიწისძვრით დაზარალებულ ქაჰრამანმარაშის, გაზიანთეფის, შანლიურფას, დიარბაქირის, ადანას, ადიამანის, ოსმანიეს, ჰათაის, კილისის და მალათიის პროვინციებში სამი თვით საგანგებო მდგომარეობა გამოაცხადა.
ბოლო სამ დღეში თურქეთის სეისმური მონიტორინგის ცენტრმა თურქეთის ტერიტორიაზე 310-ზე მეტი მიწისძვრა დააფიქსირა. პირველი და ყველაზე ძლიერი მიწისძვრა 6 თებერვალს, გამთენიისას, 4:17 საათზე მოხდა. მიწისძვრის სიმძლავრე 7.7 მაგნიტუდა იყო, ხოლო ამერიკის შეერთებული შტატების გეოლოგიური სამსახურის თანახმად, ბიძგების სიმძლავრე 7.8 მაგნიტუდას შეადგენდა. 7.6 მაგნიტუდის სიმძლავრის მიწისძვრა მოხდა 6 თებერვალს, 13:24 საათზეც.
თურქეთში მიმდინარე სამაშველო ოპერაციაში 79 110 თურქი და უცხოელი მაშველი მონაწილეობს. მიწისძვრიდან მესამე დღეს ნანგრევებში ცოცხლად გადარჩენილთა პოვნის შესაძლებლობა მცირდება.
მიწისძვრის შედეგად საქართველოს ორი მოქალაქე დაიღუპა, ხოლო ექვსი დაკარგულად ითვლება.
