Նախագահ Սալոմե Զուրաբիշվիլին կմիանա հոկտեմբերի 20-ին նախատեսված երթին՝ «Վրաստանն ընտրում է Եվրամիությունը»։ Այս մասին նա հայտարարել է Օրբելիանիների պալատում կայացած ճեպազրույցում։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
«Վստահ եմ, որ վաղը շատ եք լինելու։ Ես վաղը ձեզ հետ միասին կլինեմ: Սա շատ մեծ օր է, և մեր կայունությունը կախված է դրանից։ Ամենակարևորն այն է, որ ժողովուրդը հանգիստ դուրս գա և ցույց տա իր կամքը, որ երկիրը վերադառնա ազատության, անկախության և եվրոպական ապագայի։ [...] Գիտեմ, որ վաղը շատ մարդիկ դուրս են գալու։
Գիտեմ նաև, որ ձեր հասցեին կան բազմաթիվ սպառնալիքներ, ասեկոսեներ, տարբեր ձևերով ճնշումներ, փորձեր՝ հավատացնելու, որ ամեն ինչ կեղծվելու է, հավատացնելու, որ ձեր ձայնը չի հասնի այնտեղ, ուր պետք է գնա։ Դուք ոչնչից չպետք է վախենաք, քանի որ դուք ճիշտ ուղու վրա եք, մենք՝ ճիշտ ուղու վրա»,- ասել է նախագահը։
Սալոմե Զուրաբիշվիլին կոչ է արել ընտրողներին, որ չվախենան դուրս գալ ոչ վաղը, ոչ մեկ շաբաթից։ Ինչպես նա է ասել, «շատ գոհ է ու շատ մեծ հույսով»։
«Ամեն ինչ լավ է, և ամեն ինչ լավ է լինելու, քանի որ այն ոգին և համախմբվածությունը, որն անհրաժեշտ է հաղթանակի և մեր Եվրոպա վերադարձի համար, կա այս երկրում, և կա նրանով, որ չորս հիմնական կուսակցությունները, մյուս կուսակցությունները նույնպես ստորագրել են, մնում են խարտիային հավատարիմ, այսինքն՝ հավատարիմ գործողությունների ծրագրին, որը պետք է մեզ վերադարձնի Եվրոպա:
Սա նշանակում է, որ այս չորս կուսակցություններին տրված ցանկացած ձայն մեզ կտանի դեպի Եվրոպա։
Այս ձայների հանրագումարը կլինի խարտիայի մեջ գրված բոլոր կետերը հաստատող մեծամասնությունը։ Այն ցույց է տալիս մեզ շատ ուղիղ ճանապարհ՝ առանց շրջանցումների։ Այնպես որ, ընտրեք մեկը, որը ցանկանում կտաք, բոլորը միասին՝ բոլոր չորս կուսակցությունները և ինձ հետ՝ որպես խարտիայի նախաձեռնող և որպես կանոնադրության երաշխավոր, մենք կգնանք այս ճանապարհով»,- ասել է Զուրաբիշվիլին։
Նախագահի խոսքով՝ այսօր նա հանդիպել է Եվրամիության դեսպան Պավել Հերչինսկու հետ, ով, ըստ նրա, վերահաստատել է ոչ միայն իր աջակցությունը «Վրացական խարտիայի», այլ նաև այն, որ «հենց տեսնեն, որ Վրաստանի ժողովուրդը ընտրություններում արտահայտել է իր հանգիստ, բայց անսասան կամքը՝ վերադառնալ Եվրոպա, այն ամենը, ինչ անհրաժեշտ է, անհապաղ գործի կդրվի այդ ճանապարհին շատ արագ վերադառնալու համար»։
«Նաև ինձ հաստատեց, որ ամեն ինչ պատրաստ է անհապաղ վերականգնման համար, որպեսզի Վրաստանը որպես երկիր այս ընթացքում ոչինչ չկորցնի»,- ասել է նախագահը։
Հոկտեմբերի 20-ին՝ խորհրդարանական ընտրություններից 6 օր առաջ, Թբիլիսիում կանցկացվի «Վրաստանն ընտրում է Եվրամիությունը» երթ, որը կազմակերպել է հասարակական կազմակերպությունների կոալիցիան։ Ժամը 17:00-ին երթի մասնակիցները հինգ տեղից երթով կշարժվեն Ազատության հրապարակի ուղղությամբ, որտեղ ժամը 19:00-ին նախատեսված է ակցիա-համերգ։