Թբիլիսիի Վարկեթիլի թաղամասում 25-ամյա երիտասարդը հարձակվել է հարևանությամբ ապրող հոր և աղջկա վրա և փորձել սպանել նրանց։ Այս մասին սոցցանցերում գրել է տուժող կինը։ Դեպքը տեղի է ունեցել հունիսի 18-ի գիշերը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Երբ լողանում էի, իսկ հայրս խանութում էր, մեր տուն եկավ հարևանը՝ 25-ամյա Ռ.Գ.-ն։ Շուտով եկավ նաև հայրս։ Այն մարդը, ում անունը ես նոր եմ իմացել և մինչ այժմ միայն բարևում էի, փորձեց սպանել ինձ և հորս։ Հայրս գլխին ավելի քան 30 վերք ունի։ Քանի որ ես հիմնականում կարողացա խուսափել դանակից, ընդամենը 4 կտրվածք ունեմ ու դաժան ծեծի եմ ենթարկվել։ Նա ամեն կերպ փորձում էր սպանել ինձ։ Լոգարանում ուզում էր խեղդել։ Ես դանակը 3 անգամ խլեցի ու նետեցի, որով ուզում էր կտրել կոկորդս։ Երբ ես նետեցի դանակը, սկսեց հարվածել գլխիս և դեմքիս։ Վերջում տունը վառեց, գազը բաց թողեց ու գնաց։ Հրաշքով մենք ողջ մնացինք։ Փառք Տիրոջը և շնորհակալություն հարևաններին, ովքեր փրկեցին մեզ»,- գրել է կինը և հրապարակել դեպքի լուսանկարները։
Նրա խոսքով՝ հոր առողջական վիճակը ծանր է, սակայն նրա կյանքին վտանգ չի սպառնում։
Ոստիկանները ձերբակալել են հարձակվողին։ ՆԳՆ-ի տեղեկություններով՝ նա մեղադրվում է ծանրացուցիչ հանգամանքներում սպանության փորձ կատարելու մեջ։ Տուժողն ասում է, որ հարևանի հարձակման պատճառն իրեն անհայտ է։
