თბილისში, ვარკეთილში, 25 წლის მამაკაცი მეზობლად მცხოვრებ მამა-შვილს ბინაში დაესხა თავს და მათი მოკვლა სცადა. ამის შესახებ თავად დაზარალებული ქალი სოციალურ ქსელში წერს. შემთხვევა 18 ივნისს, ღამით მოხდა.
ახალი ამბები
მკითხველის რჩეული
- 1 „გამოვძებნით ძალას, რათა ბოდიში მოვიხადოთ“ - ივანიშვილი 2008 წლის ომზე
- 2 ვის მოვუხადოთ ბოდიში შინდისის გმირების ოჯახებმა? - გამოხმაურება ივანიშვილის განცხადებაზე
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 „ძლიერი საქართველოს“ საგარეჯოს ორგანიზაციის წევრს სასამართლომ გირაო შეუფარდა
- 5 რასაც ახლა საქართველოს ხელისუფლება აკეთებს, ეროვნული იდენტობის გაცნობიერებაა - ლავროვი
- 6 2025 წლიდან გიორგი მამარდაშვილი „ლივერპულის“ მეკარე გახდება
„როდესაც ვბანაობდი და მამა მაღაზიაში იყო გასული, სახლში შემოვიდა მეზობელი, 25 წლის რ. გ.. მალევე გავიგე მამას შემოსვლაც. ადამიანი, რომლის სახელიც ახლა გავიგე და მხოლოდ ვესალმებოდი, სცადა ჩემი და მამას მოკვლა. მამას თავზე 30-ზე მეტი ჭრილობა აქვს. რადგან მე ბევრჯერ მოვიშორე დანა, მაქვს მხოლოდ 4 ჭრილობა და ვარ სასტიკად ნაცემი. ყველანაირად ცადა ჩემი მოკვლა. აბანოში მგუდავდა. 3-ჯერ გავაგდებინე დანა ყელი რომ უნდა გამოეჭრა. დანა რომ გავაგდებინე, თავში და სახეზე გამეტებით მირტყამდა ყველაფერს. ბოლოს სახლს წაუკიდა ცეცხლი მოუშვა გაზი და გაიქცა. სასწაულებრივად გადავრჩით. მადლობა უფალს და მადლობა მეზობლებს, ვინც გადაგვარჩინა“, - წერს ქალი და მომხდარის ამსახველ ფოტოებსაც აქვეყნებს.
მისი თქმით, მამამისის ჯანმრთელობის მდგომარეობა მძიმეა, თუმცა მის სიცოცხლეს საფრთხე არ ემუქრება.
პოლიციამ თავდამსხმელი დააკავა. შინაგან საქმეთა სამინისტროს ინფორმაციით, მას ბრალად დამამძიმებელ გარემოებებში განზრახ მკვლელობის მცდელობა ედება. დაზარალებული ამბობს, რომ მეზობლის მხრიდან თავდასხმის მიზეზი მისთვის უცნობია.
