Փոխնախագահ Ջեյ Դի Վենսը հայտարարել է, որ Միացյալ Նահանգները կարող է զորքեր ուղարկել Ուկրաինա և լրացուցիչ տնտեսական պատժամիջոցներ կիրառել Ռուսաստանի դեմ, եթե Ռուսաստանի նախագահ Վլադիմիր Պուտինը չհամաձայնի խաղաղ համաձայնագրի շուրջ, որը կապահովի Ուկրաինայի երկարաժամկետ անկախությունը:
Լրահոս
Ընթերցողի ընտրանի
- 1 Վրացիները, հավանաբար, այլևս չեն կարողանա աշխատել Լեհաստանում պարզեցված ընթացակարգով
- 2 Կարևոր է, որ Վրաստանի կառավարության ճանաչումը դառնա իրականություն. Զախարովան՝ Օգոստոսյան պատերազմի մասին
- 3 Վաշինգտոնում տեղի կունենա Թրամփի, Փաշինյանի և Ալիևը հանդիպումը
- 4 Գիորգի Ախոբաձեն անմեղ ճանաչվեց և ազատ արձակվեց դատարանի դահլիճից
- 5 Որոշ քաղաքացիներ կկարողանան ստանալ նույնականացման քարտեր կես գնով՝ 30 լարիով
- 6 Ռուսաստանը պատրաստ է համագործակցել Վրաստանի հետ․ Գալուզին
Wall Street Journal-ին տված հարցազրույցում Վենսն ասել է, որ կան ազդեցության և՛ տնտեսական, և՛ ռազմական գործիքներ, որոնք ԱՄՆ-ը կարող է օգտագործել Պուտինի դեմ՝ հավելելով, որ Ուկրաինա ամերիկյան զորքեր ուղարկելու հնարավորությունը կրկին կքննարկվի, եթե Մոսկվան հրաժարվի լուծել հակամարտությունը։
Վենսն ասել է, որ Ռուսաստանի հետ բանակցությունները կարող են հանգեցնել համաձայնության, որը «կապշեցնի շատ մարդկանց»: Նա նշել է, որ ԱՄՆ նախագահ Դոնալդ Թրամփը կարող է վերանայել իր դիրքորոշումը որոշ հարցերի վերաբերյալ բանակցությունների առաջընթացի հետ մեկտեղ, սակայն ասել է, որ վարչակազմի անմիջական առաջնահերթությունն է Պուտինին համոզել, որ դիվանագիտությունն իրեն ավելի շատ կօգնի, քան պատերազմը շարունակելը։
Ջեյ Դի Վենսի խոսքով՝ դեռ վաղ է խոսել Ուկրաինայի տարածքային դասավորության կամ անվտանգության երաշխիքների մասին։
«Կան բազմաթիվ ձևակերպումներ, կոնֆիգուրացիաներ, բայց մենք հավատարիմ ենք ապահովելու, որ Ուկրաինան ունենա ինքնիշխան անկախություն»,- ասել է ԱՄՆ փոխնախագահը, ով այսօր Մյունխենում կհանդիպի Ուկրաինայի նախագահ Վլադիմիր Զելենսկիի հետ։
Վենսը չի բացառում, որ խաղաղության համաձայնագրի կնքումից հետո ԱՄՆ-ը կվերանայի հարաբերությունները Ռուսաստանի հետ։ Նա ասել է, որ Արևմուտքից մեկուսացումը ստիպում է Ռուսաստանին Չինաստանի հետ հարաբերություններում փոքր եղբոր դեր խաղալ, ինչը «չի բխում Պուտինի շահերից»։
Փոխնախագահի հարցազրույցից մի քանի օր առաջ ԱՄՆ պաշտպանության նախարար Փիթ Հեգսեթն ասել էր, որ Ուկրաինայի վերադարձը 2014 թվականի իր սահմաններին՝ նախքան Ռուսաստանի կողմից Ղրիմի բռնակցումը, անիրատեսական նպատակ է, և որ Միացյալ Նահանգները «չի հավատում», որ Ուկրաինայի անդամակցությունը ՆԱՏՕ-ին կլինի խաղաղ բանակցությունների «իրատեսական արդյունք»:
