Թբիլիսիի վերաքննիչ դատարանի դատավորներ Գոչա Ջեյրանաշվիլին, Լաշա Թավարթքիլաձեն և Օթար Սիճինավան (նախագահ) չեն բավարարել «Ֆորմուլա», «Մթավարի Արխի» հեռուստաընկերությունների և Լևան Խաբեիշվիլի բողոքը և ուժի մեջ են թողել Թբիլիսիի քաղաքային դատարանի որոշումը։
Լրահոս
Ընթերցողի ընտրանի
- 1 Ռուսաստանից ավելացած ներմուծումն ու թափված կարտոֆիլի բլրակները Ջավախքում
- 2 Տագնապի ազդանշան Դարիալում․ անցակետի բոլոր աշխատակիցները տարհանվել են
- 3 Հուլիսից ուսուցիչների աշխատավարձը կբարձրանա
- 4 Վրաց ժողովուրդը պայքարում է եվրոպական ապագայի համար, նա չպետք է պատժվի. Զուրաբիշվիլի
- 5 Գազային զենք ձեռք բերելու համար անհրաժեշտ կլինի ՆԳ նախարարության համաձայնությունը
- 6 ԱՄՆ-ը կարող է վերանայել Վրաստանին տրամադրվող ֆինանսական օգնության չափը
Գործը վերաբերում է Թբիլիսիի քաղաքային դատարանի 2022 թվականի ապրիլի 29-ի որոշմանը, որով դատարանը բավարարել է Պետական անվտանգության ծառայության ղեկավար Գրիգոլ Լիլուաշվիլիի հայցը։
Լիլուաշվիլին վիճարկել է ԶԼՄ-ներում տարածված հայտարարությունները, որոնք առնչվում են, այսպես կոչված քոլցենտրերի գործի հանցավոր սխեմային ՊԱԾ-ի և իր՝ որպես այս գործակալության ղեկավարի, ներգրավվածության հետ։ Առաջին ատյանը հաստատել է հայցվորի նկատմամբ զրպարտության փաստը և պատասխանող կողմին պարտավորեցրել հերքել նույն լրատվամիջոցով տարածված լուրերը և որպես բարոյական վնասի փոխհատուցում վճարել սիմվոլիկ 1 լարի։
Վերաքննիչ դատարանում լրատվամիջոցների ներկայացուցիչները պահանջել են չեղյալ համարել Թբիլիսիի քաղաքային դատարանի 2022 թվականի ապրիլի 29-ի որոշումը և ընդունել նոր որոշում, ինչպես նաև չեղյալ համարել այն որոշումը, որով Թբիլիսիի քաղաքային դատարանը հրաժարվել է դադարեցնել վարույթը։
Բողոքում լրատվամիջոցների ներկայացուցիչները նշել են, որ կատարված հայտարարությունները որպես փաստ ճանաչելու վերաբերյալ առաջին ատյանի գնահատականը ճիշտ չէ, քանի որ դրանք լրագրողի կարծիքներն ու եզրակացություններն են, որոնք հիմնված են բավարար փաստական հանգամանքների վրա, և որոնց համար չի թույլատրվում նրանց վրա դնել քաղաքացիական իրավական պատասխանատվություն։
Ըստ «Վրաստանի դեմոկրատական նախաձեռնություն» հասարակական կազմակերպության՝ անգամ վերաքննիչ դատարանում դատավորները ՊԱԾ-ի ղեկավարի դեմ բողոքը, ի տարբերություն ընդունված պրակտիկայի, արագ, կարճ ժամկետում են քննել: Դատարանը կրկին հաշվի չի առել, որ տարածված հայտարարություններով Գրիգոլ Լիլուաշվիլիին իբր պատճառված վնասն ապացուցված չէ: Դատարանը նման որոշում կայացնելուց առաջացած վտանգները հաշվի չի առել։ Նրանց թվում ուշադրություն չեն դարձրել, որ հայցը ներկայացրել է ՊԱԾ-ի պետը, ով պարտավոր է ավելի հանդուրժող լինել լրատվամիջոցներում տարածվող քննադատական կարծիքների նկատմամբ։
Թբիլիսիի քաղաքային դատարանի դատավոր Զաալ Մարուաշվիլին մասնակիորեն բավարարել է Թբիլիսիի քաղաքապետ և «Վրացական երազանք» կուսակցության գլխավոր քարտուղար Կախա Կալաձեի հայցն ընդդեմ TV Պիրվելիի և լրագրող Մաիա Մամուլաշվիլիի։ Դատարանը պատասխանող կողմին պարտավորեցրել է հերքել զրպարտությունը և համատեղ ու միանձնյա վճարել բարոյական վնասի փոխհատուցում՝ 15 000 լարիի չափով։
