«Զրպարտության մասին օրենքների, օտարերկրյա գործակալների գրանցման մասին օրենքների և ՀԿ-ների դեմ օրենքների օգտագործումը խոսքի ազատությունը լռեցնելու համար նորություն չէ: Մենք դա տեսնում ենք Ռուսաստանում, Նիկարագուայում և Ուգանդայում, որոնց առաջնորդները երկար ժամանակ օգտագործել են այդ գործիքները՝ թիրախավորելու լրագրողներին, դատավորներին, քաղաքացիական հասարակության ակտիվիստներին և ընդդիմադիր քաղաքական գործիչներին՝ իշխանությունն ուժեղացնելու և այլախոհ ձայներն ու տեսակետները ճնշելու համար»,- ասել է ամերիկացի սենատոր, Սենատի արտաքին հարաբերությունների հանձնաժողովի նախագահ Բեն Քարդինը՝ ոչ կառավարական կազմակերպությունների դեմ օրենքների, այդ թվում՝ Վրաստանում ընդունված ռուսական օրենքի վերաբերյալ հանձնաժողովի լսումների ժամանակ:
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Սենատորի խոսքով՝ վերջին տարիներին ավելի ու ավելի շատ երկրներ, որոնք համարվում էին հիմնականում ժողովրդավարական կամ մասամբ ազատ, օգտագործում են այդ օրենքները որպես ռեպրեսիայի գործիք։
«Խորապես անհանգստացնող է, որ ժողովրդավարությունները՝ Վրաստանից, Հնդկաստանից մինչև Թուրքիա, օգտագործել են իրենց իրավական համակարգերը լրագրողների, ընդդիմադիր քաղաքական գործիչների, իրավապաշտպանների և քաղաքացիական հասարակության դեմ։
Ես ուզում եմ խոստովանել, որ այս օրենքներից շատերը միանգամայն լեգիտիմ են: Օտարերկրյա գործակալների գրանցման պատճառներ կան՝ պաշտպանել անձանց զրպարտչական հարձակումներից, պահանջել ժամանակին վճարել տուրքեր կամ հարկեր հասարակական կազմակերպություններից, կամ օգտագործել Ինտերպոլի ծանուցումները հետախուզվող և ձերբակալված հանցագործների համար։ Խնդիրն այն է, երբ այդ օրենքները դառնում են ռեպրեսիայի և ահաբեկման գործիքներ։
[...] Այսքան տարի Վրաստանը նախկին Խորհրդային Միությունում եղել է լուսավոր կետ, բայց այս ապրիլին, չնայած փողոցային զանգվածային ցույցերին, կառավարությունն ընդունեց օտարերկրյա ազդեցության գրանցման օրենքը, որն ուժի մեջ կմտնի աշնանը:
Զարմանալի է, որ այս օրենքը կառուցված է ռուսական օրենքի օրինակով, և հաշվի առնելով, թե ինչ է արել Ռուսաստանը Վրաստանին, անհավանական է, որ նրանք գնան այն ճանապարհով, որ թույլ տան կառավարությանը հետապնդել ոչ առևտրային կազմակերպություններին և ակտիվիստներին:
Այն նպատակ ունի վախեցնել և, ի վերջո, լռեցնել քաղաքացիական հասարակության ձայներին, որոնք համաձայն չեն կառավարության հետ: Իշխող քաղաքական կուսակցությունում՝ «Վրացական երազանքում» օրենքի կողմնակիցները շատ հստակ արտահայտել են իրենց մտադրությունները, և թե քաղաքացիական հասարակության որ ներկայացուցիչներին են համարում թշնամի»,- ասել է Բեն Քարդինը։
Սենատորը ներկաներին ցույց է տվել «Թրանսփարենսի Ինթերնեշնլ-Վրաստան» ոչ կառավարական կազմակերպության գրասենյակի և նրա տնօրեն Էկա Գիգաուրիի տան մոտ փակցված պաստառներ՝ «Հայրենիքը չի վաճառվում» մակագրությամբ, որոնք, ըստ նրա «կասկածի տակ է դնում մարդկանց հավատարմությունը, ովքեր պաշտպանում են այս ռեպրեսիվ օրենքները»:
«Հայտարարությունը նպատակ ուներ ոչ կառավարական կազմակերպությունների ղեկավարներին որպես օտարերկրյա գործակալ պիտակավորել։ Կոնգրեսը, և հատկապես այս կոմիտեն, պատասխանատվություն է կրում համարձակ օրենսդրական գործողություններ ձեռնարկել՝ ընդդիմանալու այդ օրենքների կիրառմանը և աջակցելու խիզախ ակտիվիստներին, ովքեր վճռական են պահպանել ժողովրդավարությունը», - նշել է սենատորը:
